ლევან ბეჟაშვილი - მკითხაობა არ არის საჭირო - მოსამართლეებთან დაკავშირებით დროებითი საგამოძიებო კომისიის შექმნის საკითხი კენჭისყრაზე დადგება და მას ფრაქცია „ნაციონალური მოძრაობა“ მხარს დაუჭერს
მკითხაობა არ არის საჭირო - მოსამართლეებთან დაკავშირებით დროებითი საგამოძიებო კომისიის შექმნის საკითხი კენჭისყრაზე დადგება და მას ფრაქცია „ნაციონალური მოძრაობა“ მხარს დაუჭერს, - ამის შესახებ ჟურნალისტებს დეპუტატმა ლევან ბეჟაშვილმა განუცხადა.
ბეჟაშვილის თქმით, ისინი საგამოძიებო კომისიის მუშაობაში აქტიურ მონაწილეობას მიიღებენ.
„მას შემდეგ, რაც ამერიკის მხრიდან ოთხი მოსამართლის დასანქცირება მოხდა და ეს უკვე დადგენილი ფაქტია, ამას გამოძიება არ სჭირდება. გამოსაძიებელია კლანური მმართველობა და უამრავი კორუფციული ფაქტი, რაც კომისიამ უნდა შეისწავლოს.
გამოძიების საგანი უნდა იყოს „კლანური“ სისტემის შექმნის საკითხი, „კლანის“ გაძლიერება როგორ ხდებოდა, კლანში შემავალი მოსამართლეების კორუფციული გარიგებები და მათი დაუსაბუთებელი ქონება“, - განაცხადა ლევან ბეჟაშვილმა.
