28 აპრილს, საქართველოს განათლებისა და მეცნიერების მინისტრი, გიორგი ამილახვარი პარლამენტის განათლებისა და მეცნიერების კომიტეტის წევრებს შეხვდება და დეპუტატებს საკუთარ ხედვებს გააცნობს.

როგორც კომიტეტის დღევანდელ სხდომაზე, განათლებისა და მეცნიერების კომიტეტის თავმჯდომარემ გივი მიქანაძემ განმარტა, შეხვედრა სამუშაო ფორმატის ხასიათის იქნება, რომლის დასრულების შემდეგ, განათლებისა და მეცნიერების კომიტეტის სხდომა გაიმართება.

„შევთანხმდით, რომ 28 აპრილს მინისტრი მოვა კომიტეტზე და წარმოგვიდგენს თავის ხედვებს, თუ რა მიმართულებებით ექნება მუშაობა და რა მიმართულებებზე ექნება მაქსიმალური აქცენტები. ეს იქნება უფრო სამუშაო ფორმატში და არა საკომიტეტო სხდომის ფორმატში. 28-ში, დილის 10 საათზე გვექნება ეს შეხვედრა და 12 საათზე უკვე გვექნება კომიტეტის სხდომა, სადაც ჩვენ მიმდინარე საკითხებს განვიხილავთ,“ - განაცხადა გივი მიქანაძემ.