პარტია „მოქალაქეები“ მიხეილ სააკაშვილის საკითხზე პარლამენტში დროებითი საგამოძიებო კომისიის შექმნას მხარს არ დაუჭერს.

როგორც „მოქალაქეების“ ლიდერმა ალეკო ელისაშვილმა ჟურნალისტებს განუცხადა, არ ფიქრობს, რომ ეს საკითხი ყველაზე მნიშვნელოვანია და რომ ამაზე დრო უნდა დაკარგონ.

„რა უნდა გამოიძიოს ამ კომისიამ? პარლამენტის წევრები არ ვართ ექიმები, რომელთაც უნდა გაარკვიონ მისი ჯანმრთელობის მდგომარეობა. „ნაციონალურ მოძრაობას“ თავისი დღის წესრიგი აქვს, ჩვენ - ჩვენი. არ მიგვაჩნია, რომ ეს საკითხი ყველაზე მნიშვნელოვანია. თავიდანვე მკაფიოდ ვთქვით, რომ ამ კომისიას მხარს არ დავუჭერდით.

არ მიგვაჩნია, რომ ეს არის ყველაზე მნიშვნელოვანი საკითხი და ამაზე დრო უნდა დავკარგოთ. ყველაფერი ისედაც ნათელია და ხელის გულზე დევს“, - განაცხადა ელისაშვილმა.