თანაგუნდელების მიერ სუს-თან თანამშრომლობის დაბრალება ძალიან მძიმეა - „ნაციონალური მოძრაობა” მძიმე მდგომარეობაშია და ეს ყველაფერი რთული საყურებელია, - ამის შესახებ დამოუკიდებელმა დეპუტატმა ხატია დეკანოიძემ ჟურნალისტებს განუცხადა.

მისი თქმით, პარტიაში სხვადასხვა წარმოდგენების არსებობის გამო, სუს-თან თანამშრომლობაზე ბრალდება ძალიან მძიმეა.

„მიუღებელია, როდესაც თანაგუნდელი თანაგუნდელს სუს-თან თანამშრომლობას აბრალებს. ზოგადად, განსხვავებული აზრები უნდა არსებობდეს. თუმცა იმის გამო, რომ პარტიაში სხვადასხვა წარმოდგენები არსებობს, სუს-თან თანამშრომლობაზე ბრალდება, ძალიან მძიმეა. ეს ის სკანდალი არაა, რომელიც უნდა ჰქონდეს ყველაზე დიდ ოპოზიციურ პარტიას”,- განაცხადა ხატია დეკანოიძემ.