„ლელოს“ წევრის ანა ნაცვლიშვილის განცხადებით, „ქართული ოცნების“ გუშინდელმა მოქმედებამ არამხოლოდ პოლიტიკურად, არამედ სამართლებრივადაც გააფორმა „ქართული ოცნების“ თანამონაწილეობა სასამართლოს „კლანურ“ მართვაში.

როგორც მან ჟურნალისტებს განუცხადა, „ქართულ ოცნებას“ აშინებს სასამართლოსთან მიმართებით სიმართლის დამდგენი კომისიის შექმნა.

„როგორც ნახეთ, მიუხედავად იმისა, რომ ხელისუფლების მხრიდან იყო ძალიან ბევრი მცდელობა ოპოზიციას ვერ შესძლებოდა მობილიზება, ნახეთ, რომ ოპოზიცია იყო სრულად მობილიზებული და საკმარისი იმისთვის, რომ კომისია შექმნილიყო. „ქართულ ოცნებას“ აშინებს სასამართლოსთან მიმართებით სიმართლის დამდგენი კომისიის შექმნა. ამიტომ ნახეთ, რომ გუშინ დარბაზიდან, ფაქტობრივად, გაიქცნენ, ოღონდ არ გაევლოთ რეგისტრაცია და არ მიეცათ შესაძლებლობა კომისიისთვის, რომ მას მუშაობა დაეწყო.

გუშინდელმა მოქმედებამ არამხოლოდ პოლიტიკურად, არამედ სამართლებრივადაც გააფორმა „ქართული ოცნების“ თანამონაწილეობა სასამართლოს „კლანურ" მართვაში, რაც გახდა სანქცირების საფუძველი მოსამართლეების მიმართ. ჩვენ გავაგრძელებთ მცდელობებს იმისთვის, რომ შეიქმნას ეს კომისია“, - განაცხადა ნაცვლიშვილმა.