სანქციები მოსამართლეების შემდეგ ყველა იმ სახელმწიფო მოხელეს შეეხება, ვინც ეს ქვეყანა, ხალხი გაძარცვა და გაღლიტა, - ამის შესახებ პოლიტიკური მოძრაობა „ტრიბუნას“ ლიდერი, დავით ჭიჭინაძე აცხადებს.

მისივე თქმით, სესხებით ხალხი უკანონოდ იძარცვება და ამაზე ხმას არავინ იღებს.

"სულ ტყუილად ჰგონიათ ზოგიერთებს, რომ ის მოპარული მილიონები საიმედოდ აქვთ გადამალული ოფშორებში. ჩაეკეტებათ ჯერ ვიზები, შემდეგ ფინანსები.

სანქციები მოსამართლეების შემდეგ ყველა იმ სახელმწიფო მოხელეს შეეხება, ვინც ეს ქვეყანა, ხალხი გაძარცვა და გაღლიტა.

ბანკების დანაშაულებრივი საქმიანობის საგამოძიებო კომისია შექმნან, თუ მართლა რამის თავი აქვთ! კიდევ 40-50%-ით გაუძვირეს ადამიანებს სესხები, ხალხი უკანონოდ იძარცვება და ამაზე ხმას არავინ იღებს“,- აღნიშნა დავით ჭიჭინაძემ, რომლის კომენტარსაც პოლიტიკური მოძრაობა „ტრიბუნა“ ავრცელებს.