გიორგი ამილახვარი - ჩვენ მოვუსმენთ ყველა მასწავლებელს, გვინდა პრობლემის იდენტიფიცირება
ჩვენ მოვუსმენთ ყველა მასწავლებელს, ჩვენ გვინდა პრობლემის იდენტიფიცირება, - ამის შესახებ საქართველოს განათლებისა და მეცნიერების მინისტრმა, გიორგი ამილახვარმა მასწავლებლებთან გამართულ შეხვედრაზე საუბრისას განაცხადა.
მისივე თქმით, პრობლემების გაანალიზების შედეგად, სამინისტრო იმ გადაწყვეტილებებს მიიღებს, რომლებიც მასწავლებლების ინტერესებში შედის და მოსწავლეების ხარისხიანი განათლების უზრუნველყოფას მოემსახურება.
მისივე თქმით, მასწავლებლებთან შეხვედრები მომავალშიც გაგრძელდება.
„ჩვენ მოვუსმენთ ყველა მასწავლებელს. ჩვენ გვინდა პრობლემის იდენტიფიცირება, პირველ რიგში, იმ პრობლემების, რომლებიც მომდინარეობს თავად მასწავლებელთა კორპუსიდან, რომელსაც თავად ასახელებენ. არის ბევრი რიგი საკითხი, რომელზეც ჩვენ ვიმსჯელეთ და სწორედ იმ სამუშაო ჯგუფში, რომელიც შევქმენით, შემდგომ ამ პრობლემების გაანალიზების შედეგად, მივიღებთ იმ გადაწყვეტილებებს, რომლებიც შედის პირველ რიგში, მასწავლებლების ინტერესებში და მოემსახურება ჩვენი შვილებისთვის უკეთესი ხარისხიანი განათლების უზრუნველყოფას,“ - განაცხადა ამილახვარმა.
v-if="article.gallery" v-html="article.gallery"
