რა თქმა უნდა, შეწყალების შესახებ ნებისმიერი გადაწყვეტილების მიღება პრეზიდენტ ზურაბიშვილის მისაღებია და მე დარწმუნებული ვარ, რომ გადაწყვეტილების მიღებისას ის ითვალისწინებს ყველა ასეთ თხოვნას, მათ შორის ჰელსინკის კომისიის თხოვნას, - ამის შესახებ საქართველოში აშშ-ის ელჩმა, კელი დეგნანმა განაცხადა.

ელჩმა უპასუხა ჟურნალისტის შეკითხვას, რომლის თანახმადაც, ჰელსინკის კომისიამ სალომე ზურაბიშვილს ნიკა გვარამიას შეწყალებისკენ მოუწოდა.

„ჰელსინკის კომისია ძალიან პატივსაცემი ორგანიზაციაა, რომელსაც აქვს მანდატი ამერიკის შეერთებული შტატების კონგრესისგან, რომ მონიტორინგი გაუწიოს ადამიანთა უფლებებს, მათ შორის მედიის თავისუფლებას, მთელ მსოფლიოში. ამ ორგანიზაციამ, ისევე როგორც ბევრმა სხვამ და საელჩომ, გარკვევით განაცხადა გვარამიას საქმესთან დაკავშირებით არსებული შეშფოთების შესახებ, მათ შორის ბრალდებაზე, ბრალის წაყენების დროსა და შესაბამისად, მსჯავრის და გადაწყვეტილების თაობაზე. ასე რომ, ეს არის წერილი ორგანიზაციისგან, რომელიც დიდი ხანია საქართველოს მეგობარი, მისი დემოკრატიული განვითარების და ევროპული ინტეგრაციისკენ პროგრესის მხარდამჭერია. რა თქმა უნდა, შეწყალების შესახებ ნებისმიერი გადაწყვეტილება პრეზიდენტ ზურაბიშვილის მისაღებია და მე დარწმუნებული ვარ, რომ გადაწყვეტილების მიღებისას ის ითვალისწინებს ყველა ასეთ თხოვნას, მათ შორის ჰელსინკის კომისიის თხოვნას“, - აღნიშნა ელჩმა.