თვითონ სხედან ნაგავში, ტალახში, სიბინძურეში და ამ სიბინძურიდან, ტალახიდან და ჭაობიდან რასაც ამოსძახებენ, უნდათ, რომ საზოგადოებამ რეალობად მიიღოს, - ასე ეხმიანება პარლამენტის პირველი ვიცე- სპიკერი გია ვოლსკი ჟურნალისტებთან ოპოზიციის განცხადებებს, რომ "ქართული ოცნება" თავად არის კავშირში "ქოლ - ცენტრებთან" და სწორედ ამიტომ არ ქმნის საგამოძიებო კომისიას.

ვოლსკი ამ განცხადებებს „სისულელეს" და "ტყუილს" უწოდებს.

„როგორ შეიძლება ყველა თემაზე საპარლამენტო კომისია შეიქმნას, რათა უპირატესობა მოიპოვოს ამ უნიათო რაღაც პოლიტიკურმა გაერთიანებამ, რომ რაღაცით გამოჩნდნენ. ამ ადამიანებს არანაირი რესურსი არ გააჩნიათ არანაირი მიმართულებით: არც პოლიტიკური, არც ეკონომიკური, არც ჰუმანიტარული, ყველა რესურსი ამოწურეს. არც მეგულება და დასაშვებიც არ არის, რომ "ქართულ ოცნებას," გინდა ცალკეულ პირებს, მინისტრების გვარებს რომ ახსენებენ ხოლმე, მათგან ვინმეს რაიმე კავშირი ჰქონდეს ასეთ უმსგავსო საქციელთან. რაშია იცით საქმე - თვითონ სხედან ნაგავში, ტალახში, სიბინძურეში და ამ სიბინძურიდან, ტალახიდან და ჭაობიდან ამოსძახებენ ხოლმე რაღაცას, უნდათ, რომ საზოგადოებამ ეს რეალობად მიიღოს. თითქოს ეს არის ბოლო ინსტანცია - საპარლამენტო კომისია ამ უნიათო ხალხით ჩამოყალიბებული, რომელსაც შეუძლია რაიმე ჭეშმარიტება დაადგინოს“, - განაცხადა ვოლსკიმ.