საქართველოს პარლამენტის თავმჯდომარე შალვა პაპუაშვილი სოციალურ ქსელში Freedom House-ის ყოველწლიურ ანგარიშს ეხმიანება.

მისი თქმით, კვლევის მიხედვით 70 ქვეყანას შორის საქართველო მე-7 ადგილზეა და ესტონეთის შემდეგ უსწრებს ევროკავშირის წევრ და კანდიდატის სტატუსის მქონე ყველა სახელმწიფოს.

როგორც პარლამენტის თავმჯდომარე აღნიშნავს, საქართველომ წინა წელთან შედარებით გააუმჯობესა ინტერნეტის თავისუფლების მდგომარეობის მაჩვენებელი და 100 ქულიდან 78 ქულა მიიღო.

„მსოფლიოში ინტერნეტის თავისუფლების შესახებ Freedom House-ის ყოველწლიური ანგარიშში საქართველო 2022 წელს ერთი ქულით დაწინაურდა.

მაშინ, როდესაც ქვეყნების უმრავლესობის შედეგები გაუარესებულია, საქართველომ წინა წელთან შედარებით გააუმჯობესა ინტერნეტის თავისუფლების მდგომარეობა, 100-დან 78 ქულა მიიღო და „თავისუფალ“ ქვეყნად შეფასდა.

აღნიშნული კვლევით, 70 ქვეყანას შორის საქართველო მე-7 ადგილზეა და ესტონეთის შემდეგ უსწრებს, კვლევის ფარგლებში შეფასებულ, ევროკავშირის წევრ და კანდიდატის სტატუსის მქონე ყველა სახელმწიფოს,” - წერს პარლამენტის თავმჯდომარე.