რესპუბლიკის მოედანზე დღეს დაგეგმილი აქციის ორგანიზატორი გია გაჩეჩილაძე (უცნობი) და მისი თანამოაზრეები იკრიბებიან. როგორც ისინი აცხადებენ, აქციის მიზანი ხელისუფლების სამშვიდობო პოლიტიკისადმი მხარდაჭერის დაფიქსირებაა. მათივე განმარტებით, ახლა საზოგადოების ერთიანობა ყველაზე მნიშვნელოვანია.

ადგილზე იმყოფებიან საზოგადოებისთვის ცნობადი სახეებიც. რესპუბლიკის მოედანზე მოწყობილია სცენაც.

როგორც "ინტერპრესნიუსს" აქციის ერთ-ერთმა მონაწილე ამირან ჩხიკვაძემ განუცხადა, დასავლური სამყარო ქართველი ხალხის ინტერესების წინააღმდეგ მოქმედებს.

"ლიბერალური სამყარო, მთელი მსოფლიო მათი აგენტურის ხელმძღვანელობით ახორციელებს ზეწოლას ქართველი ერის და ქართველი ხალხის ნების საწინააღმდეგოდ. არ აინტერესებთ, რა გვსურს მე, თქვენ, ჩემს შვილებს", - განაცხადა ამირან ჩხიკვაძემ.

ადგილზე გაძლიერებულია უსაფრთხოების ზომები. მიმდებარე ტერიტორიას სამართალდამცველები აკონტროლებენ. გადაკეტილია საავტომობილო მოძრაობა.