დარწმუნებული ვარ, ვერაფერი მოახდენს ბიძინა ივანიშვილის გადაწყვეტილებაზე ზეგავლენას და არანაირი მნიშვნელობა არ ექნება მისთვის, იგი იქნება ფორმალური, თუ არაფორმალური სანქციების ქვეშ, ვინაიდან, მისი მიზანი არის მხოლოდ და მხოლოდ საქართველოზე ზრუნვა, - ამის შესახებ საქართველოს განათლებისა და მეცნიერების მინისტრმა, გიორგი ამილახვარმა „ქართული ოცნების“ დამფუძნებლის, ბიძინა ივანიშვილის შესაძლო სანქცირებასთან დაკავშირებით დასმული კითხვის საპასუხოდ განაცხადა.

მისივე თქმით, ბიძინა ივანიშვილმა არაერთხელ დაამტკიცა, რომ მას ფორმალური, თუ არაფორმალური სანქციების არ ეშინია.

„მგონი, ბიძინა ივანიშვილმა თავისი მოქმედებებით, თავისი პატრიოტული და სახელმწიფოებრივი გადაწყვეტილებებით არაერთხელ აჩვენა მაგალითი და დაამტკიცა, რომ არანაირი ფორმალური, თუ არაფორმალური სანქციების ამ ადამიანს არ ეშინია და არც არაფერი იცვლება მისთვის. მისთვის მთავარია მისი ქვეყანა, მისი სამშობლო და ქართველი ხალხი. თავის მთლიან ქონებას, პრაქტიკულად, ხარჯავს საქართველოში საქართველოს საკეთილდღეოდ, ამიტომ მე დარწმუნებული ვარ, ვერაფერი მოახდენს მის გადაწყვეტილებაზე ზეგავლენას და არანაირი მნიშვნელობა არ ექნება მისთვის, იგი იქნება ფორმალური, თუ არაფორმალური სანქციების ქვეშ, ვინაიდან, მისი მიზანი არის მხოლოდ და მხოლოდ საქართველოზე ზრუნვა“, - განაცხადა ამილახვარმა.