ახალი ინიციატივით, 3-თვიან პერიოდში, იუსტიციის უმაღლესი საბჭოს ოთხზე მეტი მოსამართლე წევრის არჩევა დაუშვებელი იქნება

3-თვიან პერიოდში, იუსტიციის უმაღლესი საბჭოს ოთხზე მეტი მოსამართლე წევრის არჩევა დაუშვებელი იქნება. ეს არის ახალი ინიციატივა, რომელიც “საერთო სასამართლოების შესახებ“ ორგანულ კანონში ცვლილებების პროექტს ემატება.

როგორც პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა განმარტა, ამით ვენეციის კომისიის იმ რეკომენდაციას გათვალისწინება ხდება, რომლის თანახმად, საბჭოს შემადგენლობა ნაწილ-ნაწილ უნდა განახლდეს.

„აღნიშნული ინიციატივა სასამართლო ხელისუფლებაში კორპორატივიზმის პრობლემის გადაჭრის ერთ-ერთ გზას უკავშირდება, რაზეც ვენეციის კომისია მიუთითებს. ვენეციის კომისიის დასკვნაში ერთ-ერთ გზად დასახელებულია იუსტიციის უმაღლესი საბჭოს შემადგენლობის ნაწილ-ნაწილ განახლება.

საკითხი შეგვიძლია შემდეგნაირად დავარეგულიროთ, რათა იუსტიციის საბჭოში მოსამართლე წევრების განახლება ერთბაშად არ მოხდეს - იმისთვის, რომ საბჭოს რვა მოსამართლე წევრი ერთდროულად არ განახლდეს, გთავაზობთ “ჩამკეტ“ მექანიზმს, რომლის მიხედვით, ერთდროულად მხოლოდ ოთხი წევრის განახლება იქნება შესაძლებელი სამი თვის ვადაში“, - განაცხადა ანრი ოხანაშვილმა.

„საერთო სასამართლოების შესახებ“ ორგანულ კანონში დაგეგმილი ცვლილებების პროექტს, რომელიც სასამართლო რეფორმის სამუშაო ჯგუფმა ევროკავშირის 12 რეკომენდაციის ფარგლებში მოამზადა, იურიდიულ საკითხთა კომიტეტი პირველი მოსმენით იხილავს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს