რომან გოცირიძე - ფული მარტო ჯოჯოხეთს კი არ ანათებს, ზოგიერთი ოპოზიციონერის ტვინსაც აბნელებს - ჩვენ გამოვედით დარბაზიდან და ვთქვით, დაე, დარჩნენ და გამომჟღავნდნენ ისინი, ვინც იუსტიციის უმაღლესი საბჭოს წევრობის კანდიდატებს ხმას აძლევენ
ფული მარტო ჯოჯოხეთს კი არ ანათებს, ზოგიერთი ოპოზიციონერის ტვინსაც აბნელებს, თუ რა თქმა უნდა, ეს არ იყო კომპიუტერული მანიპულაცია, ეს უნდა იყოს გამოძიებული და შესწავლილი,- ამის შესახებ ჟურნალისტებთან ოპოზიციონერმა დეპუტატმა რომან გოცირიძემ იუსტიციის უმაღლესი საბჭოს კანდიდატების კენჭისყრასთან დაკავშირებით განაცხადა.
როგორც მან აღნიშნა, ოპოზიციის ნაწილმა დარბაზი დატოვა, რათა ცხადი გამხდარიყო, რომ ისინი კანდიდატებს ხმას არ აძლევდნენ.
„კანდიდატებს 5-მა წარმომადგენელმა მისცა ოპოზიციიდან ხმა ან მოხდა კომპიუტერული მანიპულაცია, პროგრამა უნდა იქნას შესწავლილი და თუ რომელიმე ოპოზიციონერმა მისცა ხმა, ეს უნდა თქვას, რადგან ეჭვი რჩება ძალიან ბევრზე. ჩვენ გამოვიყენეთ სწორი მეთოდი, გამოვედით დარბაზიდან და ვთქვით, დაე, დარჩნენ ისინი და გამომჟღავნდეს ვინ არიან, ვინც ხმას აძლევენ ამ კანონს, მაგრამ ერთმა-ორმა, რომელიც იქ დარჩა, თქვა, რომ ხმა არ მიუცია, მაგრამ ჩვენს მოწოდებას არ დაემორჩილა, ამისაც მჯერა. ვინც დარჩა, ეს არ ნიშნავს, რომ ის არის აუცილებლად ეჭვმიტანილი. ერთი ადამიანის, რომელმაც მითხრა, რომ იქ დარჩა და ხმა არ მიუცია, მჯერა. ზემოდან იღებდნენ კამერები. ვინც დარჩა ვერ ვიტყვი რომ ისინი არიან მაინცდამაინც, არ შეიძლება დაბრალება,“ - განაცხადა გოცირიძემ.
იუსტიციის უმაღლესი საბჭოს არამოსამართლე წევრობის კანდიდატთაგან ე.წ. კვალიფიციური უმრავლესობით არჩეულია 3 არამოსამართლე წევრი - ტრისტან ბენაშვილი, გიორგი გზობავა და ზურაბ გურასპაშვილი. კენჭისყრა ფარული იყო და მათ მხარდასაჭერად ხმები ასე დაფიქსირდა: 93-91-93.
მას შემდეგ, რაც ოპოზიციამ პლენარულ სხდომათა დარბაზი დატოვა, კენჭისყრა შეჩერდა.
v-if="article.gallery" v-html="article.gallery"
