მამუკა მდინარაძე მიხეილ დაუშვილს - თქვენი ლიდერი რომ ახლოს იყო „ქოლ-ცენტრების“ სქემის თავში მყოფ ადამიანებთან, ამის ეჭვი მქონდა, მაგრამ ასე დეტალურად თუ იცნობთ ამ თემას, ნამდვილად არ გვეგონა

თქვენი ლიდერი რომ ახლოს იყო ამ სქემის თავში მყოფ ადამიანებთან, ამის ეჭვი მქონდა, მაგრამ ასე დეტალურად თუ იცნობთ ამ თემას, ნამდვილად არ გვეგონა, - ასე მიმართა ფრაქცია „ქართული ოცნების“ თავმჯდომარემ მამუკა მდინარაძემ პლენარულ სხდომაზე პარტია „საქართველოსთვის“ დეპუტატს მიხეილ დაუშვილს, რომელმაც ე.წ. ქოლ-ცენტრების საქმეზე დროებითი საგამოძიებო კომისიის შექმნის დადგენილების პროექტი წარმოადგინა.

მდინარაძე ასევე დაინტერესდა იმ ფაქტითაც, იმუშავებენ თუ არა კომისიის შექმნის შემთხვევაში, საგამოძიებო კომისიის შექმნის ინიციატორები იმ მიმართულებითაც, რომ დაადგინონ, იკვეთება თუ არა საქმეში გიორგი გახარიას შესაძლო პასუხისმგებლობის საკითხი.

„თქვენი ლიდერი რომ ახლოს იყო ამ სქემის თავში მყოფ ადამიანებთან, ამის ეჭვი მქონდა, მაგრამ ასე დეტალურად თუ იცნობთ ამ თემას, ნამდვილად არ გვეგონა. ვთქვათ, რომ დაგეთანხმოთ და შეიქმნას ეს კომისია, რა იქნება მთავარი მიმართულება, საით მიდის საპარლამენტო გამოძიება? თავად საქმის დეტალები არის საპარლამენტო გამოძიების ობიექტი - როგორ იძიებენ სამართალდამცავები მიმდინარე საქმეს, თუ თქვენს, ოპოზიციის ლოგიკას რომ გავყვეთ, ვიღაც საქმის კურსში რომ არ ყოფილიყო არ შეიძლებოდა და დაიწყებთ იმ პერიოდიდან, როცა შს მინისტრი იყო გიორგი გახარია და როცა ეს ე.წ. „ქოლ-ცენტრები“ შეიქმნა?! შემდეგ პრემიერი გახდა გახარია და ამ პასუხისმგებლობის მიმართულებით ხომ არ აფარებს ვინმე ხელს, ხომ არ იყო და ხომ არ არის? ასევე, მაინტერესებს, ჩაერთვება თუ არა, ამ კომისიის საქმიანობაში „ნაციონალური მოძრაობა“, მთავარი ეჭვმიტანილის მიერ დაფინანსებული პოლიტიკური ორგანიზაცია? ვაშაძე, რომლის მიმართულებითაც ბევრი კითხვის ნიშანი არსებობს? მე არ მჯერა, რომ მისმა ძმამ არახამიას ძმას მიაქირავა ფართი შემთხვევით და იქ ე.წ. ქოლ-ცენტრი აღმოჩნდა. თქვენ ჩაერთვებით თუ არა, გიორგი გახარიას შესაძლო პასუხისმგებლობის საკითხი არის თუ არა, ამ მიმართულებით იმუშავებთ თუ არა?“- განაცხადა მდინარაძემ.

ალექსანდრე თვალჭრელიძე - თუ პრემიერი ფიქრობს, რომ რუსეთთან ეკონომიკური ურთიერთობების შენელება ცუდია საქართველოსთვის, იგი ცდება
ქართული პრესის მიმოხილვა 29.05.2023
სტეპან გრიგორიანი - თუ აზერბაიჯან-სომხეთს შორის ურთიერთობები დალაგდა, ევროპასთან ჩინეთის დამაკავშირებელი რკინიგზის პროექტში სომხეთი იქნება გათვალისწინებული, მანამდე კი ამ თემაზე საუბარი შეუძლებელია
კახა ოქრიაშვილი - პუტინმა საქართველოსა და უკრაინაში ომი არა ნატო-ს, არამედ რუსეთის იმპერიის აღდგენის გამო დაიწყო, რადგან დღესაც თვლის და ამბობს, რომ ამ ქვეყნებმა რუსეთის შემადგენლობაში გუბერნიების სტატუსით უნდა იარსებონ
Golden Tulip Design Tbilisi ბელგიელი NFT არტისტის ციფრულ გამოფენას მასპინძლობს
PSP გილოცავთ საქართველოს დამოუკიდებლობის დღეს
„იდეა დეველოპმენტი“ კიდევ ერთი პროექტის სამშენებლო სამუშაოების დასრულებას აანონსებს