ანა ნაცვლიშვილი - მძიმე-წერტილის გადაადგილება სასამართლოს რეფორმა არ არის, ამიტომ, ამ ყალბ პროცესში ოპოზიციის ადგილი არ არის
„ლელოს“ დეპუტატის, ანა ნაცვლიშვილის განცხადებით, მძიმე-წერტილის გადაადგილება სასამართლოს რეფორმა არ არის, ამიტომ, „ამ ყალბ პროცესში ოპოზიციის ადგილი არ არის“. აღნიშნულის შესახებ ნაცვლიშვილმა ჟურნალისტებს განუცხადა, როდესაც უპასუხა კითხვას, იუსტიციის უმაღლესი საბჭოს არამოსამართლე წევრებთან მიმართებით აპირებს თუ არა ოპოზიცია კონსულტაციები გამართოს ხელისუფლებასთან.
„იუსტიციის უმაღლესი საბჭოს საკითხი არ არის ცალკე აღებული საკითხი. ხელისუფლებამ ყველა ტონალობაში და ფორმით გააკეთა ხმამაღალი განაცხადი, რომ ის არ აპირებს სასამართლოში ვითარების შეცვლას.
მძიმე-წერტილის გადაადგილება სასამართლოს რეფორმა არ არის, ამიტომ, ამ ყალბ პროცესში ოპოზიციის ადგილი არ არის.
ეს ყალბი პროცესი ვინც მოიგონა, ბოლომდე მან მიიყვანოს და პასუხი აგოს იმ უმძიმეს შედეგზე, რომლის წინაშე ქვეყანას აყენებს სასამართლოს ბუტაფორიული პროცესით”, - განაცხადა ანა ნაცვლიშვილმა.
v-if="article.gallery" v-html="article.gallery"
