პაატა მანჯგალაძე - საკოორდინაციო საბჭო აქციის თარიღზე მსჯელობს - 50 ათასმა პატრიოტმა ადამიანმა ათი დღით უნდა გამონახოს რამდენიმე საათი, გავიდეთ ქუჩაში და შევცვალოთ ხელისუფლება

საზოგადოებრივად აქტიური ჯგუფების მიერ შექმნილი საკოორდინაციო საბჭო აქციის თარიღზე მსჯელობს და ოპოზიციაც თანხმდება იმაზე, რომ დანაშაულია პროტესტი არ გამოვხატოთ,- ამის შესახებ "სტრატეგია აღმაშენებლის" დეპუტატმა პაატა მანჯგალაძემ ჟურნალისტებთან განაცხადა.

ის გამოეხმაურა "პალიტრანიუსის" ეთერში თაკო ჩარკვიანის მიერ გაკეთებულ განცხადებას და აღნიშნა, რომ აქცია მას არ დაუანონსებია და მასზე საზოგადოებრივი ჯგუფები მსჯელობენ, ხოლო ოპოზიცია თანხმდება იმაზე, რომ პროტესტი საჭიროა.

"თაკო ჩარკვიანს არანაირი აქცია არ დაუანონსებია. ჟურნალისტის კითხვაზე საჭირო იყო თუ არა პროტესტი, მან თქვა, რომ აქვს ინფორმაცია, რომ ოპოზიციაში მიმდინარეობს კონსულტაცია თარიღთან დაკავშირებით, როცა დიდი აქცია გაიმართება. მმართველი გუნდის ინტერესია, ეს აქცია გამოაცხადონ ერთი ადამიანის ან ერთი პარტიის აქციად, რომ ხალხი არ მოვიდეს, რადგან თუ რამის ეშინიათ პუტინის გარდა, ეს არის ქართველი ხალხი.

ნებისმიერი აქციის მთავარი დამკვეთი და შემსრულებელია მოქალაქე და საზოგადოებრივად აქტიური ჯგუფებით არიან მოქალაქეები წარმოდგენილნი. იცით, რომ ამ ჯგუფების მიერ დაორგანიზებული აქციები 2 დღე მიდიოდა და არც ერთი პოლიტიკოსი იქ არ გამოსულა, იყვნენ მხოლოდ ახალგაზრდები, საზოგადოებრივად აქტიური ადამიანები. მათ შექმნეს საკოორდინაციო საბჭო და მიდის კონსულტაციები თარიღთან დაკავშირებით, ოპოზიციაში არის მზაობა და შეთანხმება, რომ ასეთი აქცია საჭიროა და არათუ საჭირო, დანაშაული იქნება თუ პროტესტს არ გამოვხატავთ ფრენებზე," - განაცხადა მანჯგალაძემ.

კითხვაზე, აქციის მოთხოვნა იქნება მხოლოდ ფრენების გაუქმება, თუ ხელისუფლების ცვლილება, მანჯგალაძე პასუხობს, რომ 50 ათასმა ადამიანმა ათი დღის მანძილზე უნდა გამონახოს რამდენიმე საათი და ხელისუფლების ცვლილება უნდა მოითხოვოს.

"რაიმე რთულს და შეუსრულებელს კი არ ითხოვს საქართველო ჩვენგან, ითხოვს 50 ათასმა პატრიოტმა ადამიანმა ათი დღით გამონახოს რამდენიმე საათი გავიდეთ ქუჩაში და შევცვალოთ ხელისუფლება. სამ დღეში მიაღწია რუსული კანონის წინააღმდეგ მიზანს," - განაცხადა მანჯგალაძემ.

კითხვაზე, რამდენად სწორია მსგავსი მოლოდინების შექმნა, რომ კონკრეტულ ვადაში ხელისუფლების შეცვლა შესაძლებელია, მანჯგალაძე ამბობს, რომ "ფაშინიანსაც არასერიოზულად უყურებდნენ თავის დროზე, თუმცა დაიწყო აქციები და ზუსტად ათ დღეში აირჩიეს პრემიერ- მინისტრად".

"არასდროს გამოსულა ზედიზედ ამდენი ადამიანი ათი დღის განმავლობაში. გვახსოვს აქციები, როცა გაუგებარი იყო აქციის მოთხოვნები, როცა კონკრეტული მოთხოვნით გამოდიხარ, შედეგს აღწევ," - განაცხადა მანჯგალაძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს