იმერეთში მოზარდის ჩვენების საფუძველზე, ბავშვის მამა და ბიძა დააკავეს. არასრულწლოვანი ამტკიცებს, რომ მასზე ძალადობდნენ. არსებული ინფორმაციით, დაპირისპირება მშობლებს შორის კონფლიქტს უკავშირდება, რომლებიც წლებია გაშორებულები არიან.

დაკავებულები წყალტუბოს დროებითი მოთავსების იზოლატორში იმყოფებიან.

გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს. დაკავებულების ადვოკატი, მცირეწლოვნების ინტერესებიდან გამომდინარე დეტალებზე არ საუბრობს. მამისთვის და ბიძისთვის ბრალი ჯერჯერობით არ წარუდგენიათ.