ზურაბ ქადაგიძე რომან გოცირიძის განცხადებაზე - ამორალური ჩარჩოებიდან ამოვარდნილი განცხადების უკან არაფერი დგას, გარდა სრული სიცრუისა და ადამიანობის ელემენტარული პრინციპების უგულებელყოფა

ამჯერადაც ისეთივე აცდენილი ხართ პროცესებს, როგორც ვირი და პედ-საბჭო... დამაინტერესა საკითხმა, იქნებ ბატონი რომანი მართალი აღმოჩნდა-მეთქი და ჰოი საოცრებავ, აქაც თითლიბაზობს - მინისტრ დავითაშვილს კოვიდი დაუდასტურდა და შესაბამისად, 5 დღე ვალდებულება ჰქონდა, იზოლაციაში ყოფილიყო, თუმცა ბატონ გოცირიძეს ამაშიც ეჭვი შეაქვს და ვიწროპარტიული ინტერესებით უნდა ისპეკულიროს,- ამის შესახებ „ხალხის ძალის“ წევრი ზურაბ ქადაგიძე სოციალურ ქსელში წერს.

ქადაგიძე ოპოზიციონერი დეპუტატის, რომან გოცირიძის განცხადებას გამოეხმაურა და აღნიშნა, რომ „სხვა რომ არაფერი დარჩენია ხელმოცარულ რომანას და პრიმიტიული ნარატივებით ცდილობს ჭიქაში ქარიშხლის ატეხვას“.

მისივე თქმით, რომან გოცირიძე ვიწროპარტიული ინტერესებით მოქმედებს და მანიპულაციასა და საზოგადოების შეცდომაში შეყვანას ნებისმიერი თემით ცდილობს.

„ქაღალდი კი არ უნდა შეისწავლოთ ბატონო რომან, საკუთარი ხელმოცარულობა გაითავისოთ და გაეშვით იმ სფეროს, როგორიც პოლიტიკაა იმიტომ, რომ ამჯერადაც ისეთივე აცდენილი ხართ პროცესებს, როგორც ვირი და პედ-საბჭო... დამაინტერესა საკითხმა, იქნებ ბატონი რომანი მართალი აღმოჩნდა-მეთქი და ჰოი საოცრებავ, აქაც თითლიბაზობს - მინისტრ დავითაშვილს კოვიდი დაუდასტურდა და შესაბამისად, 5 დღე ვალდებულება ჰქონდა, იზოლაციაში ყოფილიყო, თუმცა ბატონ გოცირიძეს ამაშიც ეჭვი შეაქვს და ვიწროპარტიული ინტერესებით უნდა ისპეკულიროს.

ბატონმა რომანმა, წესით, ისიც უნდა იცოდეს, რომ ჯანდაცვის პროტოკოლით, ახალი კორონავირუსის (SARS-COV-2) იზოლაციის ვადა, დადასტურებიდან მაქსიმუმ 5 დღეა. შესაბამისად, ეროვნული ბანკის ყოფილ ხელმძღვანელს მარტივი მათემატიკა თუ უკვე უჭირს, მივეხმარებით და ავუხსნით, რომ 17 მაისიდან (ამ დღის ჩათვლით) 5 დღე არის 21 მაისი. რომან გოცირიძე მოქმედებს რა ვიწროპარტიული ინტერესებით, ნებისმიერი თემით ცდილობს მანიპულაციასა და საზოგადოების შეცდომაში შეყვანას. ის ამჯერადაც არ ჩამორჩა თავის სტილს და ეჭვი ადამიანის ჯანმრთელობის მდგომარეობაში შეიტანა. ამორალური ჩარჩოებიდან ამოვარდნილი განცხადების უკან არაფერი დგას, გარდა სრული სიცრუისა და ადამიანობის ელემენტარული პრინციპების უგულებელყოფისა. ისე, ზოგადად, არც ეკონომიკისა და მდგრადი განვითარების სამინისტროს და არც მთავრობის რომელიმე წევრს არასოდეს უკან არ დაუხევია ანაკლიის პორტის თემაზე სასაუბროდ.

გოცირიძეს რატომღაც ავიწყდება, რომ საქართველოს ხელისუფლებამ, მათ შორის, პირადად ლევან დავითაშვილმა საჯარო სივრცეში არაერთი განცხადება გააკეთა ანაკლიის პორტთან დაკავშირებით, საზოგადოებისთვის დეტალურად არის ცნობილი ყველა გეგმა და მიმდინარე პროცესი, რაც ანაკლიის ღრმაწყლოვანი ნავსადგურის პროექტს უკავშირდება. თუ ოპოზიციას ჰგონია, რომ ლევან დავითაშვილს რომან გოცირიძესთან გამოჩენის ეშინია, მაშინ თავად სჭირდებათ ფორმა 100 და ჯანმრთელობის ცნობაც. ახლა, სხვა რომ არაფერი დარჩენია ხელმოცარულ რომანას, პრიმიტიული ნარატივებით ცდილობს ჭიქაში ქარიშხლის ატეხვას, თუმცა თქვენს ჯინაზე ანაკლიის პორტიც გვექნება, ხალხსაც დავასაქმებთ და ეკონომიკურად ძლიერ ქვეყანასაც ავაშენებთ,“ - წერს ზურაბ ქადაგიძე სოციალურ ქსელში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს