ლაშა ტუღუში - ყველა გაურბის კეთროვანს და შენ კეთროვანს ეხუტები - ეკონომიკურ ურთიერთობებს რუსეთთან ნულზე ვერ დაიყვან, მაგრამ დინამიკას შეხედე

ყველა გაურბის კეთროვანს და შენ კეთროვანს ეხუტები - ეკონომიკურ ურთიერთობებს რუსეთთან ნულზე ვერ დაიყვან, მაგრამ დინამიკას შეხედე , - ამის შესახებ „თბილისის ლიბერალური აკადემიის“ დირექტორმა ლაშა ტუღუშმა ტელეკომპანია „პალიტრანიუსის“ გადაცემა „პოლიტიკურ სივრცეში“ განაცხადა.

მისი თქმით, უკრაინაში რაც ხდება, შუა საუკუნეობრივი სიველურეა, რომელსაც ყველა ემიჯნება, საქართველოს ხელისუფლება კი ამბობს, „ჩემი ნაციონალური ინტერესი მაქვს პირველ რიგშიო“.

„მიგრანიანის [კრემლთან დაახლოებული პოლიტოლოგი] ცნობილი დისკურსია, რომ ევროპა ევროპა არაა, რუსეთი არის ნამდვილი ევროპაო - ერთი-ერთში ჯდება რაღაცები. ყველა გაურბის კეთროვანს და შენ კეთროვანს ეხუტები - ნულზე ვერ დაიყვან ეკონომიკურ ურთიერთობებს, მაგრამ დინამიკას შეხედე. უკრაინაში რაც ხდება, შუა საუკუნეობრივი სიველურეა, ხოცვა- ჟლეტაა გაუგებარი იდეისთვის. ყველა ემიჯნება ამას და შენ იძახი, ჩემი ნაციონალური ინტერესი მაქვს პირველ რიგშიო.

ერთი რამე ეშლებათ - მაგალითად, ე.წ. აგენტების კანონზე ამბავი რომ იყო, დამცინავად ამბობდნენ, რამდენი კაცი გამოვა ქუჩაშიო. ადამიანები ძალიან კარგად ხვდებოდნენ, რა ხდება და ძალიან კარგად გააპროტესტეს, დიდი რაოდენობით საზოგადოება გავიდა ქუჩაში, რადგან ეს იყო აშკარა დარტყმა დემოკრატიაზე. ეს [კანონპროექტი] რომ გასულიყო, ნიშნავს, რომ თემა დამთავრდებოდა -კანდიდატობა დასრულდებოდა. ევროპამ რომ ხელი გვკრას იმის გამო, რომ ვერ ვლაგდებით, დემოკრატიისთვის ნაბიჯებს ვერ ვდგამთ და რუსეთს ვუვარდებით ხახაში, კატასტროფა იქნებოდა. მაგ მომენტში ეროვნული ინტერები ხალხმა დაიცვა და არა მთავრობამ“,- განაცხადა ლაშა ტუღუშმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს