"ლელოს" ლიდერები ბადრი ჯაფარიძე, სალომე სამადაშვილი და გრიგოლ გეგელია უკრაინის ვიცე პრემიერ-მინისტრს, ოლჰა სტეფანიშინას შეხვდნენ. ამის შესახებ ინფორმაციას პარტიის პრესსამსახური ავრცელებს.

მათი ინფორმაციით, "ლელოს" ლიდერებმა კიდევ ერთხელ გამოხატეს საქართველოს საზოგადოების მტკიცე სოლიდარობა და მხარდაჭერა უკრაინელი ერისადმი.

„ვიცე პრემიერთან საუბრისას, განხილული იქნა კიევში "ლელოს" ვიზიტის დროს ინიციირებული მჭიდრო თანამშრომლობა პოლიტიკური, ჰუმანიტარული და რეკონსტრუქციის მიმართულებებით. მხარეებმა ასევე განიხილეს უსაფრთხოების და დემოკრატიის გამოწვევები რეგიონში“, - აღნიშნულია ინფორმაციაში.