დეზორიენტაციის და დეზინტეგრაციის პროცესში იმყოფებიან და სააკაშვილის ქართულ პოლიტიკაში დაბრუნების ხანმოკლე საინფორმაციო გზავნილი შემოიტანეს, თითქოს აქამდე რომელიმე სხვა პოლიტიკაში იყო - ის ქართული პოლიტიკის ნაწილია , - ამის შესახებ ჟურნალისტებთან საპარლამენტო უმრავლესობის წევრმა, ირაკლი ქადაგიშვილმა განაცხადა, რითაც გამოეხმაურა ინფორმაციას იმის თაობაზე, რომ მიხეილ სააკაშვილი შესაძლოა, "ნაციონალურმა მოძრაობამ" პრემიერ- მინისტრობის კანდიდატად დაასახელოს.
მისივე თმით, მიხეილ სააკაშვილი არც არასდროს ჩამოშორებია ქართულ პოლიტიკას.
„მომართული იყო ყოველთვის, რომ რაც შეიძლება მეტად ჩართული ყოფილიყო და მისი ჩართულობა ყოველთვის ქვეყნისთვის ზიანის მოტანით იყო გამოვლინებული. იმის გამო, რომ "ნაციონალურ მოძრაობას" დღის წესრიგი არ გააჩნია და აქტიური დეზორიენტაციის და დეზინტეგრაციის პროცესში იმყოფებიან, ახალი ხანმოკლე საინფორმაციო გზავნილი შემოიტანეს მიხეილ სააკაშვილის ქართულ პოლიტიკაში დაბრუნების თაობაზე, თითქოს აქამდე რომელიმე სხვა პოლიტიკაში იყო, უკრაინაში ყოფნის დროსაც, ემსახურებოდა ქართულ პილიტიკაში ჩარევას. ასე რომ აქ არავითარი სიახლე არ არის, ის ქართული პოლიტიკის ნაწილია. უბრალოდ მისი შედეგი დადებითობის კუთხით ნულია", - განაცხადა ქადაგიშვილმა.