გორში ბავშვთა დაცვის საერთაშორისო დღე სხვადასხვა სახის გასართობი ღონისძიებებით აღინიშნა.
გორის მერიის ინფორმაციით, ქალაქის ცენტრში მოწყობილ სკვერში, საბავშვო ბაღების საგამოფენო სივრცეები გორის მუნიციპალიტეტის მერმა, ვლადიმერ ხინჩეგაშვილმა, გორის მუნიციპალიტეტის საკრებულოს თავმჯდომარესთან დავით რაზმაძესთან და ადგილობრივი ხელისუფლების სხვა წარმომადგენლებთან ერთად დაათვალიერა.
მათი ცნობით, სკვერში პატარებს და არა მარტო პატარებს, შესაძლებლობა ჰქონდათ მოესმინათ ადგილობრივი შემსრულებლებისთვის, დაეთვალიერებინათ წარმოდგენილი ნამუშევრები, დასწრებოდნენ ანიმატორების წარმოდგენებს და ა.შ.
„ბავშვთა დაცვის საერთაშორისო დღესთან დაკავშირებით, კულტურის ცენტრში ხელნაკეთი ნივთების გამოფენა-კონკურსიც მოეწყო.
ღონისძიებები გორის მუნიციპალიტეტის კულტურისა და ტურიზმის განვითარების ხელშეწყობის სააგენტოს ორგანიზებით გაიმართა.
დღეს, მერიის მხარდაჭერით, გორის გიორგი ერისთავის სახელობის სახელმწიფო დრამატულმა თეატრმა სოციალურად დაუცველ და 120 დევნილ ბავშვს უმასპინძლა. მოზარდებმა სპექტაკლი „კარლსონი“ ნახეს“,- ნათქვამია ინფორმაციაში.
v-if="article.gallery" v-html="article.gallery"