ლევან ხაბეიშვილი ოპოზიციას - ჩემო ძვირფასებო, დრო დახარჯეთ რუს ოლიგარქთან ბრძოლაში, რადგან ჩვენ საერთო ფრონტის ხაზი აუცილებლად მოგვიწევს

ბიძინა ივანიშვილის დამარცხების გასაღები აქვს „ნაციონალურ მოძრაობას“. ამიტომ, მოვუწოდებ ყველას, განსაკუთრებით ოპოზიციას, ჩემო ძვირფასებო დრო დახარჯეთ ბიძინა ივანიშვილთან ბრძოლაში, რადგან ჩვენ აუცილებლად ერთად მოგვიწევს ბრძოლა რუსული რეჟიმის წინააღმდეგ , - ამის შესახებ „ერთიანი ნაციონალური მოძრაობის“ თავმჯდომარემ, ლევან ხაბეიშვილმა განაცხადა.

ლევან ხაბეიშვილის განცხადებით, ზოგს შეიძლება აწუხებდეს ის ფაქტი, რომ „ქართული ოცნების“ დამარცხების გასაღები „ნაციონალურ მოძრაობას“ აქვს, მაგრამ ეს მოცემულობაა.

„მესმის „რუსული პარტიის“, მათი წარმომადგენლების ისტერიკა იმასთან დაკავშირებით, რომ დიახ, ბიძინა ივანიშვილის წინააღმდეგ, „რუსული პარტიის“ წინააღმდეგ, დამარცხების გასაღები აქვს „ერთიან ნაციონალურ მოძრაობას“ და ეს გულისხმობს იმას, რომ ყველაზე დიდი მხარდაჭერა ხალხის აქვს „ნაციონალურ მოძრაობას“. მესმის, რომ ზოგს შეიძლება ეს აწუხებდეს, მაგრამ ეს არის მოცემულობა. რაც შეეხება ოპოზიციას, ჩვენი საქმე არ არის პროდასავლური ოპოზიციის ლანძღვა ან მთელი თვეების, კვირების დაკარგვა მათთან კინკლაობაში, ეს არ არის ჩვენი საქმე, მეტიც, ჩვენთვის მნიშვნელოვანია პროდასავლური პარტიები გაძლიერდნენ იმისთვის, რომ ჩვენ მოვემზადოთ ბიძინა ივანიშვილის დასამარცხებლად. „ნაციონალურ მოძრაობას“ რუსული პარტია უკვე დაუმარცხებია თვითმმართველობის არჩევნებში დიდ ქალაქებში, როგორიცაა, ქუთაისი, ბათუმი, რუსთავი, ზუგდიდი, სენაკი, წალენჯიხა, ბევრგან დაგვიმარცხებია, მათ შორის 59 მაჟორიტარული ოლქი გვაქვს თვითმმართველობის არჩევნებზე მოგებული. შესაბამისად, მთავარი გასაღები, რომელიც აქვს „ნაციონალურ მოძრაობას“ ეს არის ფაქტი. მოვუწოდებ ყველას, განსაკუთრებით ოპოზიციას - ჩემო ძვირფასებო, დრო დახარჯეთ ბიძინა ივანიშვილთან, რუს ოლიგარქთან ბრძოლაში, რადგან ჩვენ საერთო ფრონტის ხაზი აუცილებლად მოგვიწევს, რომ გვქონდეს სხვადასხვა მიმართულებით, როგორიც იქნება მაგალითად საარჩევნო გარემოს სამართლიანი უზრუნველყოფა, საპროტესტო მიმართულება უნდა გვქონდეს ერთიანი, ამიტომ მთავარი კონცენტრირება გავაკეთოთ რუსულ ძალაზე, რეჟიმზე და დარწმუნებული ვარ ხალხთან ერთად ჩვენ მოვახერხებთ ბიძინა ივანიშვილის დამარცხებას“, - განაცხადა ლევან ხაბეიშვილმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს