პაატა მანჯგალაძე - თუ ოპოზიციას კოორდინაცია მთავარ საკითხზე - ევროპულ მომავალზე ექნება და არ დაიხარჯება იმაზე, ხაბეიშვილმა რა უთხრა მელიას და მელიამ რა უთხრა ხაბეიშვილს, ახალი პოლუსის შექმნა შესაძლებელია

მესამე პოლუსის შექმნას მივესალმები. მთავარია, გავასწოროთ ფოკუსი. თუ ფუნდამენტურ საკითხებზე ოპოზიციას ექნება კოორდინაცია, არა სიებზე, ერთიან ნომრებზე ან ერთიან პლატფორმაზე, არამედ მთავარ საკითხზე - ევროპულ მომავალზე, ყველა პოლუსის არსებობა შესაძლებელია, - ამის შესახებ „სტრატეგია აღმაშენებლის“ დეპუტატმა, პაატა მანჯგალაძემ განაცხადა, რითაც გამოეხმაურა „ლელოს“ გენერალური მდივნის, ბადრი ჯაფარიძის განცხადებას, რომ ოპოზიციაში ალტერნატიული მიზიდულობის ცენტრი „ნაციონალური მოძრაობის“ გარეშე უნდა შეიქმნას.

მისი თქმით, „სტრატეგია აღმაშენებელი“ არის ოპოზიციის კოორდინაციის მხარეს, თუმცა, „არა ერთიან სიებში, რომ ვიღაცამ ბარიერი გადალახოს“. მანჯგალაძე ამბობს, რომ თუ ოპოზიცია მთავარ საკითხებზე საუბრის ნაცვლად ერთმანეთზე თავდასხმის გზას გააგრძელებს, „ბარიერიც გვერდზე დარჩება, საქართველოც და პარტიული იდენტობებიც“.

„ბადრი ჯაფარიძის და ოპოზიციის სხვა წარმომადგენლების განცხადებას, რომ სურვილი აქვთ, შექმნან მესამე პოლუსი, ცენტრი, მივესალმები. მთავარია გავასწოროთ ფოკუსი, შინაარსი. მე წარმატებას ვუსურვებ ნებისმიერ ცენტრს, ნებისმიერ გაერთიანებას, რადგან ერთობლივად უნდა დავამარცხოთ „ქართული ოცნება“. არ დაგვავიწყდეს მთავარი, ერთმანეთში კინკლაობამ ისე არ გაგვიტაცოს ამ პოლუსების შექმნის დროს, დაგვავიწყდეს, რომ ქვეყანა საფრთხის წინაშეა და საფრთხეა, რომ რუსეთში არ გავიღვიძოთ. თუ ფუნდამენტურ საკითხებზე ოპოზიციას ექნება კოორდინაცია, არა სიებზე, ერთიან ნომრებზე ან ერთიან პლატფორმაზე, არამედ კოორდინაცია მთავარ საკითხზე - ევროპულ მომავალზე და „ქართულ ოცნებას“ ერთიანად ვამხელთ, მაშინ შესაძლებელია ყველა პოლუსის არსებობა, მაგრამ თუ მთავარი საკითხი იქნება, მელიამ რა უთხრა ხაბეიშვილს და ხაბეიშვილმა მელიას და ამაზე დაიხარჯება ზოგიერთი ოპოზიციონერი, მოეხმარება „ქართული ოცნების“ პროპაგანდას, თითქოს რაიმე უფრო მნიშვნელოვანი ხდება, ვიდრე კადიროველების ჩამოსვლა, ლავროვის ოჯახის წევრების ქორწილი საქართველოში. ეს იქნება ყურადღების გადატანა და არ უნდა მივეხმაროთ „ოცნებას“ ამაში. სტრატეგია აღმაშენებელი არის ოპოზიციის კოორდინაციის და საერთო ძალისხმევის მხარეს, არა ერთიან სიებში, რომ ვიღაცამ ბარიერი გადალახოს. ბარიერიც გვერდზე დაგვრჩება, საქართველოც და პარტიული იდენტობებიც თუ ასე გავაგრძელებთ, რასაც აქამდე ვაკეთებდით,“ - განაცხადა მანჯგალაძემ.

ცნობისთვის, პარტია „ლელოს" ერთ-ერთი ლიდერის, ბადრი ჯაფარიძის განცხადებით, „ქართული ოცნების“ დამარცხების გასაღებია ისეთი გაერთიანების შექმნა, სადაც „ნაციონალური მოძრაობა“ არ იქნება.

როგორც ბადრი ჯაფარიძემ „პალიტრანიუსის“ გადაცემა „პოლიტიკურ სივრცეში“ განაცხადა, ის არ ეთანხმება „ერთიანი ნაციონალური მოძრაობის“ თავმჯდომარის, ლევან ხაბეიშვილის მოსაზრებას, რომ ბიძინა ივანიშვილის წინააღმდეგ მთავარი დამარცხების გასაღები „ნაციონალურ მოძრაობას“ აქვს.

"ჩვენი ამოცანა მკაფიოა, შევქმნათ ალტერნატიული მიზიდულობის ცენტრი, ეს ორპოლუსიანობა დაიმსხვრეს. ისეთი გაერთიანების შექმნაა გასაღები, სადაც მონაწილეობას არ მიიღებს „ნაციონალური მოძრაობა“, ასეთი გაერთიანების შექმნაა „ქართული ოცნების“ დამარცხების გასაღები,"- განაცხადა ჯაფარიძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს