რაც შეეხება კითხვას იმასთან დაკავშირებით, თუ რა უნდა გააკეთოს საქართველოს პრეზიდენტმა ან რა არ უნდა გააკეთოს, ეს მხოლოდ საქართველოს პრეზიდენტის გადასაწყვეტია, - ასე უპასუხა ევროკავშირის ელჩმა საქართველოში პაველ ჰერჩინსკიმ კითხვას იმასთან დაკავშირებით, თუ როგორია საქართველოს პრეზიდენტის სალომე ზურაბიშვილის პასუხისმგებლობა ნიკა გვარამიას საქმეში.

ამასთან, ელჩის თქმით, იქიდან გამომდინარე, რომ მედიის თავისუფლება დემოკრატიის საყრდენია და ის ასევე ერთ-ერთი პუნქტია საქართველოსთვის განსაზღვრულ 12 პუნქტში, ყველაფერი უნდა გაკეთდეს, რათა უზრუნველყოფილი იყოს ქართული საზოგადოებისა და მედიის თავისუფლება.

„მედიისა და სიტყვის თავისუფლება ნებისმიერი დემოკრატიული ქვეყნის ერთ-ერთი საყრდენია. მედიის თავისუფლება, ასევე, არის 12 პრიორიტეტიდან ერთ - ერთი და ჩვენ გულწრფელად ვიმედოვნებთ, რომ ყველაფერი გაკეთდება იმისთვის, რომ უზრუნველყოფილი იყოს ქართული საზოგადოებისა და ქართული მედიის მაქსიმალური თავისუფლება. რაც შეეხება კითხვას იმასთან დაკავშირებით, თუ რა უნდა გააკეთოს საქართველოს პრეზიდენტმა ან რა არ უნდა გააკეთოს, ეს მხოლოდ საქართველოს პრეზიდენტის გადასაწყვეტია“,- განაცხადა ელჩმა.