„ნაციონალურ მოძრაობაში“ ლოგიკური პროცესი მიმდინარეობს - ხდება პარტიის დაშლა და პოლიტიკური რადარებიდან გაქრობა, - ამის შესახებ ჟურნალისტებს „ქართული ოცნების“ დეპუტატმა ირაკლი ზარქუამ განუცხადა.

ზარქუას თქმით, ამ ყველაფრის გვირგვინი „ხაბეა“.

„ეს არის პარტიის გაქრობა პოლიტიკური რადარებიდან. ეს პარტია ძალმომრეობაზე, შანტაჟზე, მუქარასა და ჩაშვებაზე იდგა. ახლა ამ ყველაფრის გვირგვინი არის ჩემი „ხაბე“.

რა მომავალი უნდა ჰქონდეს პარტიას, რომელსაც განახლებული დაარქვეს და ვინ დგას მის უკან?! - ვანო მერაბიშვილი და დავით კეზერაშვილი, ვისაც ევროპამ „მისტერ ოფშორი“ დაარქვა, ევროპელ პენსიონერებს ძარცვავს, ხოლო ქართული ჯარი უკვე გაძარცვული ჰყავს და ამაზე მისჯილი აქვს“, - განაცხადა ირაკლი ზარქუამ.