ნიკოლოზ სამხარაძე ლატვიის ელჩს შეხვდა
პარლამენტის საგარეო ურთიერთობათა კომიტეტის თავმჯდომარესა და ლატვიის რესპუბლიკის საგანგებო და სრულუფლებიან ელჩს, ედიტე მედნეს შორის შეხვედრა გაიმართა. ინფორმაციას საქართველოს პარლამენტი ავრცელებს.
პარლამენტის პრესსამსახურის ცნობით, მსჯელობის საგანი იყო ორ ქვეყანას შორის პარტნიორული და მეგობრული ურთიერთობები საპარლამენტთაშორისო თანამშრომლობის გაძლიერება.
მათივე ინფორმაციით, მხარეებმა საქართველოს ევროკავშირში ინტეგრაციის და 12 რეკომენდაციის შესრულების პროცესი, ამ მხრივ მიღწეული პროგრესი და საქართველო-ნატოს ურთიერთობები განიხილეს.
„ასევე ისაუბრეს, რუსეთის მიერ ოკუპირებულ რეგიონებში არსებულ ვითარებაზე და რუსეთიდან მომდინარე საფრთხეებზე. ყურადღება გამახვილდა სამხრეთ კავკასიის რეგიონში არსებულ გეოპოლიტიკურ ვითარებაზე, რეგიონული უსაფრთხოების საკითხებზე, უკრაინაში მიმდინარე რუსულ აგრესიაზე.
ნიკოლოზ სამხარაძის შეფასებით, ლატვია საქართველოს ისტორიული მეგობარია და ქვეყნის სუვერენიტეტს, ტერიტორიულ მთლიანობასა და ევროინტეგრაციის პროცესს მხარს უჭერს“, - აღნიშნულია ინფორმაციაში.
