შიდა ქართლის მხარეში „ქართული ოცნების“ პარტიული კონფერენციები გორიდან დაიწყო
შიდა ქართლის მხარეში „ქართული ოცნების“ პარტიული კონფერენციები დღეს გორიდან დაიწყო. ამის შესახებ ინფორმაციას პარტიის პრესსამსახური ავრცელებს.
მათივე ცნობით, კონფერენციაზე „ქართული ოცნების“ ადგილობრივი ორგანიზაციის თავმჯდომარედ გორის მუნიციპალიტეტის მერი, ვლადიმერ ხინჩეგაშვილი და ბიუროს წევრები აირჩიეს.
ამასთან, ინფორმაციაში აღნიშნულია, რომ 20 ივნისს, პარტიული კონფერენციები გაიმართება ხაშურში, ქარელსა და კასპში.
