საქართველოს მთავრობის ადმინისტრაციის ორგანიზებით, რეგიონებში „მუსიკალური საღამოები“გრძელდება. მთავრობის ადმინისტრაციის ინფორმაციით, ღონისძიებებს 24 ივნისს თეთრიწყაროს, ნინოწმინდის, ლაგოდეხის, ფოთის და ბათუმის მუნიციპალიტეტები, ხოლო 25 ივნისს ახალქალაქის, ყვარლის, ლანჩხუთის და შუახევის მუნიციპალიტეტები უმასპინძლებენ.

"მუსიკალური საღამოების" ფარგლებში, რომელიც ყველა ქალაქში 19:00 საათიდან დაიწყება, სტუმრებს საშუალება ექნებათ მონაწილეობა მიიღონ ხელნაკეთი ნივთების გამოფენა-გაყიდვებში, საბავშვო გასართობ შოუებში. დღის ბოლოს კი საღამო თბილისიდან მიწვეული მომღერლების და მუსიკალური ჯგუფების გრანდიოზული კონცერტებით დასრულდება.

“მუსიკალური საღამოები“ მთელი ქვეყნის მასშტაბით 63 მუნიციპალიტეტში და დაბა ბაკურიანში ყოველ შაბათ-კვირას იმართება, ღონისძიებები ქვეყნის რვა ქალაქში უკვე ჩატარდა (ბოლნისი, ყაზბეგი, ხობი, ქობულეთი, დმანისი, თიანეთი, ხელვაჩაური, ჩხოროწყუ)", - ნათქვამია ინფორმაციაში.