თბილისის მერის, კახა კალაძის განცხადებით, 2023 წლის 3 ივლისიდან 8 აგვისტომდე, ერთიანი ეროვნული საერთო სამაგისტრო მასწავლებელთა გამოცდებიდან და სტუდენტთა საგრანტო კონკურსიდან გამომდინარე, ამ პროცესში ჩართული ყველა პირის შეუფერხებელი გადაადგილების მიზნით, იგეგმება დაწესდეს სპეციალური მარშრუტები საგამოცდო ცენტრების მიმართულებით.

„კერძოდ კი, გლდანისა და მუხიანის დასახლებაში არსებული საგამოცდო ცენტრების მიმართულებით ავტობუსის მარშრუტები იმოძრავებს მეტროსადგურ "ახმეტელის თეატრის", კერძოდ, გობრონიძისა და ვეკუას ქუჩების კვეთის მიმდებარე ტერიტორიიდან. მესამე მასივში არსებული საგამოცდო ცენტრის მიმართულებით ავტობუსის მარშრუტი იმოძრავებს მეტროსადგურ "ვარკეთილის" მიმდებარე ტერიტორიიდან. მეტრომშენის დასახლებაში არსებული საგამოცდო ცენტრის მიმართულებით ავტობუსის მარშრუტი იმოძრავებს მეტროსადგურ "სამგორის" ზედა ასასვლელიდან. მინდა, წარმატებები ვუსურვო გამოცდებში მონაწილე ყველა პირს. ჩვენ მაქსიმალურად ვცდილობთ და შევეცდებით, რომ კომფორტი შეგიქმნათ გადაადგილების თვალსაზრისით“, - განაცხადა კალაძემ.