უკრაინაში სიტუაციის დარეგულირების საკითხებში რომის პაპის, ფრანცისკის დესპანი, კარდინალი მატეო მარია ძუპი მოსკოვს ეწვევა.

„ინიციატივის ძირითად მიზანს იმ ჰუმანიზმის აქტების წახალისება წარმოადგენს, რომელიც შექმნილი ტრაგიკული ვითარების გადაწყვეტასა და სამართლიანი მშვიდობის მიღწევის გზების მოძიებას შეუწყობს ხელს. ეს კარდინალის კიევში ვიზიტის გაგრძელება იქნება“, - ნათქვამია ვატიკანის განცხადებაში.

6 ივნისს, კიევში მატეო ძუპი რელიგიურ ლიდერებს და უკრაინის პრეზიდენტ ვოლოდიმირ ზელენსკის შეხვდა.