28 ივნისიდან 11 ივლისის ჩათვლით, ილიას სახელმწიფო უნივერსიტეტის წიგნის სახლში „ლიგამუსი" მეცნიერებათა და ხელოვნების ფაკულტეტი ფაკულტეტის სამაგისტრო პროგრამების შესახებ საინფორმაციო შეხვედრებს გამართავს.

ინფორმაციას ილიას სახელმწიფო უნივერსიტეტი ავრცელებს.

მათი ცნობით, ღია კარის დღეზე დასწრება შეუძლიათ შემდეგ სამაგისტრო პროგრამებზე ჩაბარების მსურველებსა და დაინტერესებულ პირებს:ფსიქიკური ჯანმრთელობა; კომუნიკაციის, ენისა და მეტყველების თერაპია; შუა საუკუნეების კვლევები; ფილოსოფია; რომანული ფილოლოგია; ,,პოლიტიკის მეცნიერება და საერთაშორისო ურთიერთობები“ და „რეგიონული კვლევები“; ანგლისტიკა; სახელოვნებო თეორიისა და პრაქტიკის კვლევები; გერმანიის კვლევები – კულტურა, პოლიტიკა, საზოგადოება; ფსიქოლოგია (სოციალური ფსიქოლოგია, განათლების ფსიქოლოგია, კლინიკური ფსიქოლოგია); საჯარო პოლიტიკის ადმინისტრირება; გამოყენებითი ენათმეცნიერება; შედარებითი ლიტერატურათმცოდნეობა; ადიქციის კვლევები; არქეოლოგია; რელიგიის კვლევები; სოციოლოგია; სოციალური მუშაობა; თანამედროვე საქართველოს ისტორია; ცოცხალი თეატრის ხელოვნება.

„პროგრამის ხელმძღვანელები და ფაკულტეტის ადმინისტრაციის თანამშრომლები გაგაცნობენ ამომწურავ ინფორმაციას პროგრამების შესახებ.

შეხვედრებზე პროგრამების წარმატებული სტუდენტები და კურსდამთავრებულები გაგიზიარებენ ილიას სახელმწიფო უნივერსიტეტში სწავლის გამოცდილებას და ისაუბრებენ იმ პერსპექტივების შესახებ, რომელთაც უნივერსიტეტი სტუდენტებს სთავაზობს - პროგრამების სტრუქტურისა და შინაარსის შესახებ; საგანმანათლებლო რესურსებისა და მათი ხელმისაწვდომობის შესახებ; პროგრამაზე დაშვების პირობებისა და მიღების პროცედურების შესახებ; საერთაშორისო პარტნიორებთან კოლაბორაციის შესახებ“,- ნათქვამია ინფორმაციაში.

განრიგის სანახავად ეწვიეთ ვებ-გვერდს.

სამაგისტრო პროგრამების ჩამონათვალი იხ. ბმულზე.