„ნაციონალური მოძრაობის” პოლიტიკური მდივანი გიორგი ბარამიძე მოლდოვაში IRI-ს კონფერენციაში მიიღებს მონაწილეობას
„ერთიანი ნაციონალური მოძრაობის” პოლიტიკური მდივანი გიორგი ბარამიძე მოლდოვაში IRI-ს კონფერენციაში მიიღებს მონაწილეობას, სადაც მოლდოვას პრეზიდენტი და ევროპარლამენტარები მიიღებენ მონაწილეობას.
ამის შესახებ ინფორმაციას „ნაციონალური მოძრაობა“ ავრცელებს.
მათივე ცნობით, ფორუმი საგანგებოდ შერჩეულ სეპარატისტულ რეგიონში, გაგაუზიაში ტარდება.
„საზოგადოებას უნდა გავაგებინოთ თუ რა არის ევროინტეგრაცია, რატომ არის ეს სასარგებლო მოლდოვისთვის, უკრაინისთვისა და საქართველოსთვის, რატომ არის ჩვენი ქვეყნების თანამშრომლობა მნიშვნელოვანი, რაში გვეხმარება ევროკავშირი და ა.შ. როგორი უნდა იყოს დემოკრატიული სახელმწიფოს მშენებლობის საფუძვლები; რუსეთის აგრესია უკრაინაზე და რუსეთთან მიმართებაში როგორი უნდა იყოს მოლდოვას უსაფრთხოების პოლიტიკა, ისე როგორც სხვა აღმოსავლეთ ევროპის ქვეყნების უსაფრთხოების პოლიტიკა“, - განაცხადა ბარამიძემ.
