როდესაც რომან გოცირიძე ეროვნულ ბანკში იყო, კუპონის ინიციატორი და ავტორი იყო, ერთ-ერთი მთავარი შემოქმედი, მაშინ საერთოდ, რაზე ფიქრობდა? კაცი, კუპონის შემოქმედი, გაიცანით ბატონი რომან გოცირიძე, - ამის შესახებ პრემიერ-მინისტრმა, ირაკლი ღარიბაშვილმა პარლამენტში განაცხადა.

როგორც ღარიბაშვილმა აღნიშნა, რომან გოცირიძე სამუშაო ადგილებთან დაკავშირებით „ურცხვად იტყუება“.

„რაც შეეხება სამუშაო ადგილებს, მხოლოდ პირველ კვარტალში შეიქმნა 70 ათასი სამუშაო ადგილი. ბატონი რომან გოცირიძე ურცხვად იტყუებოდა, თითქოს, მე ვთქვი, რომ 250 [ათასი] შეიქმნა. მე ვთქვი, ბოლო 2 წელიწადში - მეთქი. მოსმენაც არ იცის ამ კაცმა. მინდა შევახსენო, როდესაც ეროვნულ ბანკში იყო, კუპონის ინიციატორი და ავტორი იყო, ერთ-ერთი მთავარი შემოქმედი, მაშინ საერთოდ რაზე ფიქრობდა? კაცი, კუპონის შემოქმედი, გაიცანით, ბატონი რომან გოცირიძე“, - აღნიშნა პრემიერმა.