რომ არა ბიძინა ივანიშვილი და „ქართული ოცნება“, დღეს ქვეყანა უფსკრულში იქნებოდა,-ასე უპასუხა პრემიერ-მინისტრმა, ირაკლი ღარიბაშვილმა პარლამენტში ყოველწლიური მოხსნებისას დამოუკიდებელ დეპუტატს, არმაზ ახვლედიანს განცხადებაზე, რომ „ქვეყანა უფსკრულში იმყოფება“.

ირაკლი ღარიბაშვილმა არმაზ ახვლედიანს მიმართა, რომ ვისთანაც ასოცირდება, სწორედ იმ პარტიას მიჰყავდა ქვეყანა 2012 წელს უფსკრულში

„სამწუხაროდ, თქვენ, ვისთანაც ასოცირდებით ბატონო არმაზ, ამ დესტრუქციულ, ომის პარტიასთან, მათ პარტიას მიჰყავდა საქართველო უფსკრულში 2012 წელს. რომ არა ბიძინა ივანიშვილი და „ქართული ოცნება“, დღეს ქვეყანა უფსკრულში იქნებოდა. თუ ვინმეს მიაჩნია, რომ არის უფსკრულში, დაე იყოს, თქვენი ჩათვლით. ჩვენ არ ვართ უფსკრულში, პირიქით, ვცდილობთ, რომ ქვეყანა დაღუპვას და განადგურებას გადავარჩინოთ“ , - მიმართა ღარიბაშვილმა ახვლედიანს.