დილით რომ გამოიღვიძებთ პინოქიოს ფორმაში აღმოჩნდებით, - ასე მიმართა პარლამენტის ოპოზიციონერმა დეპუტატმა, რომან გოცირიძემ პარლამენტის პლენარულ სხდომაზე საქართველოს პრემიერ-მინისტრ ირაკლი ღარიბაშვილს, რითაც მისი ანგარიში შეაფასა.

გოცირიძემ პრემიერის მიერ მოყვანილ სტატისტიკას სიცრუე უწოდა.

„პრემიერ-მინისტრმა ბრძანა, რომ დასაქმებულთა რაოდენობა 66 ათასით გაიზარდა. არის თუ არა ეს სწორი? კი, სწორია, მაგრამ თუ ჩვენი 50 000 მოქალაქე ქვეყნიდან გავიდა, მაშინ, როგორ გაიზარდა დასაქმება? - დასაქმება გაიზარდა საქართველოში შემოსული რუსეთის მოქალაქეების, ასევე, მცირე რაოდენობით უკრაინისა და ბელარუსის მოქალაქეების შემოსვლით.

ბატონო ირაკლი [ღარიბაშვილი], ამერიკელი მეცნიერები: დოქტორი ალან ჰირში და პროფესორი ჩარლზ ვულფი მივიდნენ დასკვნამდე, რომ როცა ადამიანი ტყუის, მისი ცხვირი იზრდება. ასე რომ, პინოქიოს ამბავი არ ყოფილა გამოგონილი“, - განაცხადა რომან გოცირიძემ.