ინდონეზიის კუნძულ იავაზე 6.4 მაგნიტუდის სიმძლავრის მიწისძვრა მოხდა. მიწისძვრა დედამიწის ზედაპირიდან 25 კილომეტრის სიღრმეზე დაფიქსირდა და მისი ინტენსივობა განსაკუთრებით იოგიაკატრას რეგიონის ქალაქებში იგრძნობოდა. ქვეყნის კატასტროფებზე რეაგირების სააგენტოს ინფორმაციით, სტიქიური უბედურების შედეგად სულ მცირე 10 ადამიანი დაშავდა, ერთი კი გარდაიცვალა.

მათივე ცნობით, მიწისძვრის შედეგად ასობით სახლი, სასწავლო და სამედიცინო ობიექტები დაზიანდა.