საქართველოს პრეზიდენტი სალომე ზურაბიშვილი პარლამენტში პრემიერის გუშინდელ მოხსენებას „პოლარიზაციის ზეგამოვლენას“ უწოდებს.

როგორც პრეზიდენტმა თბილისის ქალთა საერთაშორისო კონფერენციის ფარგლებში მედიასთან შეხვედრისას განაცხადა, თუ დეპოლარიზაცია გვინდა, ამაზე ყველამ უნდა იმუშაოს და რიტორიკა შეცვალონ.

„პრემიერის გუშინდელ გამოსვლა არის პოლარიზაციის ზეგამოვლენა. შეიძლება, რომ ამ სიტყვებით გამოვიდეს პრემიერი პარლამენტში და ასე მიმართოს თავის ხალხს, დეპუტატებს? მგონია, რომ არ შეიძლება! თუ დეპოლარიზაცია გვინდა, ყველამ ერთად უნდა ვიმუშაოთ იმაზე, რომ თავი შევიკავოთ, შევცვალოთ რიტორიკა, სხვანაირად მივმართოთ ერთმანეთს და შეიძლება რამე გამოვიდეს“, - განაცხადა სალომე ზურაბიშვილმა.