„ქართულმა ოცნებამ“ წალკასა და თეთრიწყაროში ადგილობრივი ორგანიზაციების თავმჯდომარეები და ბიუროს წევრები აირჩია
„ქართული ოცნების“ პარტიული კონფერენციები ქვემო ქართლის რეგიონში გრძელდება.
პარტიის ინფორმაციით, წალკასა და თეთრიწყაროში გამართულ კონფერენციებზე ადგილობრივი ორგანიზაციების თავმჯდომარეები და ბიუროს წევრები აირჩიეს.
„ქართული ოცნების“ თეთრიწყაროს ორგანიზაციას თეთრიწყაროს მუნიციპალიტეტის მერი გიორგი წიკლაური უხელმძღვანელებს; წალკის ორგანიზაციას - წალკის მუნიციპალიტეტის მერი ილია საბაძე.
4 ივლისს, პარტიული კონფერენციები რუსთავსა და გარდაბანში ჩატარდა.
