ასლან ბჟანია ე.წ. პრიგოჟინის აჯანყების ფაქტს ეხმაურება და აცხადებს, რომ ოპოზიციას საქართველოში სურდა შექმნილი ვითარებით ესარგებლა და აფხაზეთის რეგიონში საკონსტიტუციო წესრიგი დაემყარებინა
ოკუპირებული აფხაზეთის დე ფაქტო ლიდერი ასლან ბჟანია ე.წ. პრიგოჟინის აჯანყების ფაქტს ეხმაურება და აცხადებს, რომ საქართველოს ოპოზიციას სურდა შექმნილი ვითარებით ესარგებლა და აფხაზეთის რეგიონში საკონსტიტუციო წესრიგი დაემყარებინა.
ამის შესახებ „ეხო კავკაზა“ წერს.
მისი თქმით, ამბოხის დღეს მოსკოვში იმყოფებოდა.
„12 დღის წინ, რუსეთში იყო გადატრიალების მცდელობა. ასეთი რამ მართლაც შეიძლებოდა მომხდარიყო. ამ დროისთვის მე მოსკოვში ვიყავი. ვითარება საგანგაშო იყო. ყველაფერი განიმუხტა, მაგრამ შესაძლებელი იყო, ყველაფერი სხვა სცენარით განვითარებულიყო. საღამოს საქართველოს უშიშროების საბჭო შეიკრიბა, რომელიც პრეზიდენტმა მოიწვია. ოპოზიცია მოითხოვდა, რომ ამ ვითარებით ესარგებლათ და საქართველოს ტერიტორიაზე, აფხაზეთის რეგიონში კონსტიტუციური წესრიგი დაემყარებინათ“, - განაცხადა ბჟანიამ.
გამოცემა აღნიშნავს, რომ პრეზიდენტი სალომე ზურაბიშვილი მართლაც მოითხოვდა უშიშროების საბჭოს მოწვევას, მაგრამ მმართველმა პარტიამ მის მოთხოვნას მხარი არ დაუჭირა.
v-if="article.gallery" v-html="article.gallery"
