ჰააგაში სამხრეთ კავკასიასთან და ევროკავშირის შესაძლებლობებსა და გამოწვევებთან დაკავშირებით შეხვედრა გაიმართა.

ამის შესახებ ინფორმაციას პარლამენტის პრესსამსახური ავრცელებს.

მათი ცნობით, ღონისძიებაში ევროპასთან ინტეგრაციის კომიტეტის თავმჯდომარე მაკა ბოჭორიშვილმა მიიღო მონაწილეობა. სიტყვით გამოსვლისას, მან საქართველო-ევროკავშირს შორის ურთიერთობებზე, ქვეყნის ევროპულ პერსპექტივასა და მოლოდინებზე ისაუბრა.

„ევროინტეგრაციის გზაზე საქართველოს მიერ წარმატებით გატარებული რეფორმები, რეკომენდაციის შესრულების მიმდინარეობა და მიღწეული პროგრესი განიხილეს.

კომიტეტის თავმჯდომარემ როგორც ევროკავშირისთვის, ისე სამხრეთ კავკასიის რეგიონისთვის საქართველოს ევროინტეგრაციის მნიშვნელობას ხაზი გაუსვა.

საერთაშორისო ორგანიზაციის Link-Europe ორგანიზებით გამართულ ღონისძიებას როგორც მთავრობის, ისე არასამთავრობო სექტორის წარმომადგენლები ესწრებოდნენ“,- ნათქვამია გავრცელებულ ინფორმაციაში.