მთავარია მოგვცენ კანდიდატის სტატუსი და თუ უნდა ოპოზიციამ დაიბრალოს, - ამის შესახებ საქართველოს პარლამენტის თავმჯდომარემ კანდიდატის სტატუსთან დაკავშირებით განაცხადა.

მისი თქმით, საზოგადოებამ კარგად იცის, რას საუბრობენ ოპოზიციის წარმომადგენლები საქართველოსთან და მის ინსტიტუტებთან დაკავშირებით, როდესაც ევროპულ დედაქალაქებში ვიზიტით იმყოფებიან.

„მოგვცენ და თუ უნდათ ოპოზიციას მისცენ კანდიდატის სტატუსი. უკვე არასერიოზულია ეს მსჯელობა იმ ფონზე, როდესაც ზეპირად ვიცით, რასაც აკეთებენ ისინი, როდესაც დაფრინავენ სხვადასხვა დედაქალაქში, რას საუბრობენ იქ და როგორ „გულშემატკივრობენ“ საქართველოსთვის სტატუსის მიცემას. ზეპირად ვიცით ყველაფერი, თვითონვე საუბრობენ ამაზე - მიდიან, საუბრობენ, როგორ არ ვარგა ჩვენი ქვეყანა, როგორი ცუდია ჩვენი ინსტიტუტები, როგორი გაუბედურებულია აქ სიტუაცია, ოღონდ იქნებ გადმოგვიგდოთ კანდიდატის სტატუსიო - ამ დონეზე არიან დასულები. მთავარია მოგვცენ და თუ უნდა ოპოზიციამ დაიბრალოს“, - განაცხადა შალვა პაპუაშვილმა.