ვეტო რეალურად დაძლეული არ არის. ის, რაც „რუსულმა ოცნებამ“ ჩაიდინა საკუთარი სახელმწიფოს წინააღმდეგ გადადგმული ნაბიჯია, რომ ასე მაქინაციებით გააუქმონ ყველა არსებული კანონი, რომელიც უნდა ემსახურებოდეს ხალხის კეთილდღეობას, - ამის შესახებ „ერთიანი ნაციონალური მოძრაობის” რეგიონულმა მდივანმა, გიორგი ბოტკოველმა განაცხადა.

მისივე თქმით, საინტერესოა რა იქნება უმრავლესობის და ზოგადად, ხელისუფლების პასუხი ვითომ დაძლეულ ვეტოსთან დაკავშირებით.

„ჩვენ ვნახეთ პირდაპირი, აღიარებითი ჩვენებები, რომ არ იყვნენ საკმარისი რაოდენობით, მაგრამ მაქინაციებით მოახერხეს რაღაც პროცედურების განხორციელება. ფაქტი ერთია - ვეტო არ არის დაძლეული რეალურად. ის, რაც ჩაიდინა „რუსულმა ოცნებამ“ და უმრავლესობამ, არის საკუთარი სახელმწიფოს წინააღმდეგ გადადგმული ნაბიჯი, რომ ასე მოპარვით, მანიპულირებით, მაქინაციებით გააუქმონ ყველა არსებული კანონი, რომელიც უნდა ემსახურებოდეს ხალხის კეთილდღეობას“,- აღნიშნა ბოტკოველმა, რომლის კომენტარსაც პარტიის პრესსამსახური ავრცელებს.