„ქართული ოცნების“ თავმჯდომარის, ირაკლი კობახიძის განცხადებით, აეროპორტის გაფართოების კუთხით ორი ვერსია განიხილება, თუმცა გადაწყვეტილება ჯერჯერობით მიღებული არ არის. აღნიშნულის შესახებ კობახიძემ ჟურნალისტებს განუცხადა.

„ვაზიანის აეროპორტთან დაკავშირებით ათასი სპეკულაციაა, თითქოს ეს, რაღაც მიზანმიმართულად კეთდება. მე როგორც ვიცი, აეროპორტის გაფართოების კუთხით ორი ვერსია განიხილება. ერთი არის არსებულის გაფართოება და მეორე- ახალი აეროპორტის მშენებლობა იმ ტერიტორიაზე, სადაც განთავსებული იყო ვაზიანის აეროპორტი. ვნახოთ, როგორი გადაწყვეტილება იქნება მიღებული. დანარჩენი, ყველაფერი უბრალოდ სპეკულაციაა. ზოგადად, აეროპორტის რესურსების გაფართოება მნიშვნელოვანია, იმიტომ, რომ რა თქმა უნდა, ეკონომიკა იზრდება, ტურიზმიც გაიზრდება და ამას სჭირდება შესაბამისი რესურსები ავიაციის და აეროპორტის კუთხით“, -განაცხადა კობახიძემ.