პოლონელი ექიმის ქმედება, რბილად რომ ვთქვათ, სრულიად სამარცხვინო იყო და ალბათ ვითარების არევის მიზანს ემსახურებოდა, რათა გაგრძელებულიყო უნიჭო სპექტაკლი - მიშა ავად არის და კვდება, - ამის შესახებ საპარლამენტო უმრავლესობის დეპუტატმა ეკა სეფაშვილმა განაცხადა.

სეფაშვილის თქმით, პენიტენციურმა სამსახურმა და იუსტიციის სამინისტრომ იმოქმედეს ისე, როგორც საჭირო იყო და როგორც ეს სახელმწიფოს შეეფერება.

„ჩვენ ვერ მოვისმინეთ დამაკმაყოფილებელი ახსნა-განმარტება საელჩოს მხრიდან და არც არის გასაკვირი - ძნელია არგუმენტირებული და მყარი პოზიციის გაჟღერება. რა თქმა უნდა, ეს საქართველო-პოლონეთის ურთიერთობებს არ დააზიანებს. ეს არის კიდევ ერთი დიდი მარცხი იმ კამპანიისა, რომელიც წელიწადზე მეტია გრძელდება როგორც საქართველოში, ასევე საერთაშორისო საზოგადოებაში, რომ საქართველოს პენიტენციური დაწესებულება ერთ-ერთი პატიმრის ჯანმრთელობის მდგომარეობას ვერ უმკლავდება", - განაცხადა ეკა სეფაშვილმა.

სპეციალური პენიტენციური სამსახურის ინფორმაციით, პოლონელი ექიმი მიხეილ სააკაშვილისაგან აღებული ნიმუშების გატანას ფეხსაცმლის საშუალებით ცდილობდა. უწყებამ შესაბამისი ვიდეოკადრებიც გაავრცელა.