უკრაინის გენშტაბი - რუსებმა უკრაინაში 239 000-ზე მეტი ჯარისკაცი დაკარგეს

უკრაინელებმა, გასული დღე-ღამის განმავლობაში, რუსეთის კიდევ 710 ჯარისკაცი და 38 საარტილერიო სისტემა გაანადგურეს, - ინფორმაციას უკრაინის შეიარაღებული ძალების გენერალური შტაბი ავრცელებს.

გენშტაბის ცნობით, უკრაინელებმა ომის დაწყების შემდეგ რუსეთის 239 010-მდე ჯარისკაცი გაანადგურეს.

ამასთან, უკრაინაში შეჭრის დღიდან რუსების საერთო დანაკარგები მოიცავს: 4 119 ტანკს, 8 051 ჯავშანტექნიკას, 4 542 ერთეულ საარტილერიო სისტემას, 315 საბრძოლო თვითმფრინავს და 310 ვერტმფრენს, 7 086 ავტომობილსა და საწვავის ავზს, 18 გემს/ნავს, 3 839 უპილოტო საფრენ აპარატს, 677 ერთეულ სპეცტექნიკას და 1 273 ფრთოსან რაკეტას.