ამ თემების ჭარბი აქტუალიზაცია არის თქვენს ინტერესში. ჩემი ინტერესი ეს არ არის, აქედან გამომდინარე, მე მოგიწოდებთ, რომ ეს თემა ჩახუროთ, - ასე უპასუხა „ქართული ოცნების“ თავმჯდომარემ, ირაკლი კობახიძემ ჟურნალისტებს კითხვაზე, რომლის მიხედვით, საქართველოში შესაძლოა ქართული-რუსული უნივერსიტეტი გაიხსნას.

მისი თქმით, „ასეთ ამბებს საფუძველი არ აქვს".

„ასეთი თემების ჭარბი აქტუალიზაცია, მითუმეტეს, რომ ასეთ ამბებს საფუძველი არ აქვს, უბრალოდ არასწორია, ამიტომ, მე ვერ მივიღებ მონაწილეობას ასეთი თემების აქტუალიზაციაში. ასეთი თემების, ზოგადად რუსული თემების ჭარბი აქტუალიზაცია არის თქვენი ინტერესი. ეს არ არის ჩემი ინტერესი“, - განაცხადა ირაკლი კობახიძემ.

ამასთან, მან კითხვის საპასუხოდ აღნიშნა, რომ საქართველოში პრიმაკოვის ცენტრის ხელმძღვანელი დიმიტრი ლორთქიფანიძე „ქართული ოცნების“ მხარდამჭერი არ არის.