„ქართულ ოცნებას“ საგამოძიებო კომისიის შექმნა, იმიტომ არ უნდა რომ მათ დანაშაული აქვთ ჩადენილი და ამ დანაშაულის გამოაშკარავება მოხდება, ამიტომ ეწინააღმდეგებიან კომისიას , - ამის შესახებ „სტრატეგია აღმაშენებლის" თავმჯდომარემ, გიორგი ვაშაძემ განაცხადა, რითაც პარლამენტში შოვის ტრაგედიასთან დაკავშირებით საგამოძიებო ჯგუფის შექმნაზე საუბრისას განაცხადა.

ვაშაძის თქმით, შექმნილია პარალელური საგამოძიებო ჯგუფი - „სტრატეგია აღმაშენებლის“, „ნაციონალურ მოძრაობის“ და დამოუკიდებელი ექსპერტების მონაწილეობით, რომლებიც ახლო მომავალში დასკვნებს გამოაქვეყნებენ.

„ჩვენ „ნაციონალურ მოძრაობასთან“ ერთად სპეციალური ჯგუფი გვაქვს შექმნილი და ახლო მომავალში სერიოზულ დასკვნებს ნახავთ. ჩათვალეთ, რომ საგამოძიებო ჯგუფი პარალელურად მუშაობს, რომ საზოგადოებამ სიმართლე ნახოს. არ შეიძლება ამხელა მსხვერპლი ხელისუფლებაში მყოფ ძალას შერჩეს. იმდენად უტიფრები არიან, რომ საკუთარ თავზე პასუხისმგებლობას არავინ იღებს.

„სტრატეგია აღმაშენებელს“, „ნაციონალურ მოძრაობას“ , დამოუკიდებელ ექსპერტებს შექმნილი გვაქვს ჯგუფი. სანამ ტრაგედია ცხელია, ჩვენ პარალელურად ყველა ფაქტს აღვრიცხავთ და ამ დოკუმენტაციას აუცილებლად ნახავთ. ნახავთ ვის რა უნდა გაეკეთებინა და არ გააკეთა. ვინ როგორ მოიქცა და როგორი იყო რეაგირება“, - განაცხადა ვაშაძემ.