ქობულეთი, როგორც ახალი საინვესტიციო მიმართულება

საინვესტიციო უძრავი ქონების მესაკუთრეობა, კაპიტალის დაბანდებისა და სტაბილური შემოსავლის, ერთ-ერთი ყველაზე მიმზიდველი და სანდო აქტივია, რომელიც მდგრადი ზრდის მაჩვენებლით, ნაკლები რისკითა და მაღალი უსაფრთხოებით გამოირჩევა.

უძრავი ქონების მნიშვნელობას ისიც ამყარებს, რომ 2011-დან 2022 წლამდე, ახალი საცხოვრებელი, თუ საინვესტიციო მულტიფუნქციური კომპლექსების მშენებლობის პარალელურად, საქართველოს მშპ-ის საშუალო ზრდა, 4,5%-ზე მეტს შეადგენდა.

ბიზნესის წარმოების სიმარტივე, მაღალი უკუგების მაჩვენებელი და ევროპის ქვეყნებთან შედარებით, კონკურენტული ღირებულება საქართველოს, როგორც რეგიონის ყველაზე უსაფრთხო ქვეყანას, საუკეთესო ადგილად აქცევს გონივრული ინვესტიციის განხორციელებისთვის.

თავის მხრივ, გლობალური ბრენდჰაუსებისა და საერთაშორისო ვიზიტორების საქართველოში მობილიზება, ზრდის მოთხოვნას მაღალი სტანდარტისა, თუ მომსახურების რეზიდენციებზე და ასტიმულირებს დეველოპერული ინდუსტრიის უპრეცედენტოდ სწრაფ განვითარებას.

შავი ზღვის მარგალიტად წოდებული ბათუმის კავკასიის ტურისტულ და საინვესტიციო ბუმთაუნად ჩამოყალიბება, დაახლოებით 2005 წლიდან იწყება, როდესაც ქალაქის ურბანულ ტერიტორიაზე ახალი ბულვარის გაშენებას, სარეზიდენციო, თუ საინვესტიციო კომპლექსების მშენებლობა - შედეგად კი, დროის პატარა მონაკვეთში, მისი სწრაფ ტემპში ზრდა მოჰყვა.

ზღვისპირა ქალაქმა, განვითარების ტემპით ყოველგვარ პროგნოზირებად მოლოდინს გადააჭარბა. 2005 წელს, ბათუმის ცენტრალურ ტურისტულ უბნებში, მაღალი კლასის საცხოვრებელი უძრავი ქონების კვადრატული მეტრის ღირებულება, საშუალოდ 350-400$-ს უტოლდებოდა, ხოლო 2023 წლის უახლესი მონაცემებით, პირველ სანაპირო ზოლში, პრემიუმ სეგმენტის საინვესტიციო საცხოვრებელი კომპლექსის კვ. მ. - ის ფასი, უკვე 2500-3000$-ს შეადგენს.

800 - 900%-იანი ღირებულების ზრდით, ბათუმი გარკვეულწილად იმეორებს დუბაის პრაქტიკას, სადაც ანალოგიურ პერიოდში, Upscale სეგმენტის აპარტამენტის 1 კვ.მ.-ის საწყისი ღირებულება დაახლოებით 1000$-დან საშუალოდ 7000-8000$-მდე გაიზარდა და ამ მაჩვენებლით 700-800%-იანი ზრდა დააფიქსირა.

მაღალი კლასის მულტიფუნქციური კომპლექსებით, მსხვილი ინფრასტრუქტურული პროექტებითა და კერძო ინვესტიციებით განხორციელებულმა ცვლილებებმა, ერთგვარი ეკონომიკური მედიატორის როლი შეასრულა როგორც ბათუმის განვითარებაში, ასევე, ინოვაციური საინვესტიციო უძრავი ქონების ლანდშაფტის ფორმირებაში.

შედეგად, დროის ამ მონაკვეთში, შეიქმნა ახალი სამუშაო ადგილები, თანამედროვე ინფრასტრუქტურა, კულტურული, თუ საგანმანათლებლო დაწესებულებები. ბათუმის ბაზარზე შემოსვლის სურვილი, ისეთ გლობალურ ბრენდებსა და კომპანიებს გაუჩნდათ, როგორიცაა: Marriott, Hyatt Centric, World Trade Center, Hilton Hotels & Resorts, Radisson Blu, Sheraton Batumi Hotel, Le Meridien, Wyndham Hotels & Resorts რამაც ბუნებრივია, ქალაქი საერთაშორისო ინვესტორების თვალსაწიერში მოახვედრა.

2023 წლის ყველა ინდიკატორი იმაზე მიუთითებს, რომ ბათუმში განხორციელებული ინვესტიცია, მომგებიანია - ქალაქში თვიურად ათასობით აპარტამენტის რეალიზება ხორციელდება და იმავდროულად შეიმჩნევა მოთხოვნის ცვლილებაც ბიუჯეტური/საშუალო სეგმენტის აპარტამენტებიდან, პრემიუმ სეგმენტის რეზიდენციებზე.

Galt & Taggart-ის კვლევაზე დაყრდნობით, 2023 წლის მეორე კვარტალში, ბათუმში აქტიურად მიმდინარეობს საშუალო და პრემიუმ სეგმენტის მულტიფუნქციური კომპლექსების მშენებლობა, რომელიც ქალაქის სამშენებლო სექტორის გაჯერებულობას ამტკიცებს.

საინვესტიციო უძრავი ქონების მიმზიდველობას პროექტის კონცეფცია, ნიშური არქიტექტურა, საერთაშორისო ბრენდებთან პარტნიორობა, მაღალი ხარისხი და დიდ წილად, მისი პრემიალური ლოკაცია განსაზღვრავს.

პირველი სანაპირო ზოლის ბუნებრივად შეზღუდული რესურსისა და მიწოდების პარალელურად, კვლავ დინამიკურად მზარდი მოთხოვნის ფონზე, იმატებს მაღალი კლასის უძრავი ქონების ღირებულება, რაც ამ ბაზრის განვითარების, გაფართოებისა და ახალი, პრემიუმ ადგილმდებარეობის ათვისების წინაპირობაა.

ბოლო რამდენიმე წელია, მულტიფუნქციური კომპლექსებისა და ახალი, ინოვაციური კონსტრუქციების მშენებლობები, ბათუმის პირველი სანაპირო ზოლიდან ცენტრალური და ახალი პრემიალური ტერიტორიების ათვისების მიზნით, ქობულეთის, გონიოს, შეკვეთილის, კვარიათის პირველ სანაპირო ზოლზე ინაცვლებს, რაც გონიერი ინვესტორისთვის პრე-საინვესტიციო ბუმამდე ინვესტიციის განხორციელების შესაძლებლობას ქმნის.

შესაბამისად, ქვეყნის დინამიკურად განვითარებისა და მასშტაბური, პრემიუმ კომპლექსების ჩამოყალიბების პარალელურად, ხდება ბაზრის სატურაცია, რომელიც შედეგად, ალტერნატიულ და გარკვეულწილად კონკურენტულ ბაზარს ქმნის, რაც საინვესტიციო ციკლის ბუნებრივი პროცესია და ნებისმიერი ინვესტორისთვის, პორტფოლიოს დივერსიფიცირების მნიშვნელოვან შესაძლებლობას წარმოადგენს.

მსგავსი ტიპის საინვესტიციო ბაზრების სიას მიეკუთვნება:

• ბანგკოკი და ჩიანგ მაი
• ბარსელონა და ალიკანტე
• პარიზი და კვიბერონი

ზემოხსენებული ქალაქები ქვეყნის განსხვავებულ, ერთის მხრივ დინამიკურ, მოძრავ, მეორე მხრივ კი სარელაქსაციო, ან ველნეს დანიშნულების ადგილებს წარმოადგენენ, რომლებიც ტაილანდში, ესპანეთში, თუ საფრანგეთში ინვესტირების მსურველებს ალტერნატიულ, ინვესტორზე მორგებულ გარემოსა და შესაძლებლობებს სთავაზობენ.

აღსანიშნია, რომ შავიზღვისპირეთის საუკუნოვანი კურორტი ქობულეთი, რომელიც სანაპიროსთან ყველაზე ახლოს, ზღვის დონიდან მხოლოდ 3-5 მეტრის სიმაღლეზე არის გაშენებული, რეგიონის ახალ საინვესტიციო hotspot-ს წარმოადგენს. კურორტი უნიკალური სარეზორტო პირობებითა და სამკურნალო ფაქტორებით, ყოველწლიურად ლოკალური, თუ ინტერნაციონალური ტურისტების კონცენტრაციას ახდენს აჭარაში.

სწორედ ამ მიზეზით, ქობულეთი ახალ, თუმცაღა იმავდროულად, საკმაოდ ძირძველ, ისტორიულ-გამაჯანსაღებელ კურორტად შეგვიძლია მივიჩნიოთ, რომელიც, ინვესტირების საწყისი ეტაპის პრივილეგიებით სარგებლობისა და ველნეს ინვესტორობის შესაძლებლობას ქმნის.

ქობულეთი - უნიკალური კლიმატურ-ბალნეოლოგიური კურორტი

ქობულეთი განსაკუთრებული მიკროკლიმატით, იონიზებული ჰავით, წვრილფრაქციული სანაპიროთი გამორჩეული ქალაქია, დასახლებულ ნაწილში გაშენებული უიშვიათესი ფიჭვნარითა და ბუნებრივი ლანდშაფტებით. კურორტი იდეალურ ადგილს წარმოადგენს მრავალგვარი თერაპიებისა და პროცედურების ჩატარებისთვის, როგორიცაა ჰელიოთერაპია, წყლის თერაპია, აეროთერაპია, პელოთერაპია, ასევე ძვალ–სახსრების, გასტროენტეროლოგიური, ნერვული, რესპირატორული და რეპროდუქციული დაავადებების მკურნალობისთვის.

• პერსპექტიული ლოკაცია - უძრავი ქონების ღირებულების სისტემატურ ზრდას პერსპექტიული ლოკაცია, თუ გარემო პირობები, მნიშვნელოვნად განაპირობებს. ქობულეთის სტრატეგიული ადგილმდებარეობა, უნიკალური კლიმატური პირობები, თუ გამაჯანსაღებელი ფაქტორები, აქ განხორციელებული ინვესტიციის დინამიკურ პროგრესს უზრუნველყოფენ.
• ველნეს უძრავი ქონების პერსპექტივა - მოთხოვნა ველნეს უძრავი ქონებისადმი, ყოველწლიურად იზრდება - ბაზრის ღირებულება 2023 წლის მონაცემებით 980 მილიარდი დოლარია, რომელიც 2033 წლისთვის 2,3 ტრილიონ დოლარამდე გაიზრდება. ჯანმრთელობას, სეზონურობა არ აქვს- სწორედ ამიტომ, ველნეს კომპლექსების დატვირთულობა ქობულეთში, რეგულარულად იქნება უზრუნველყოფილი.
• მაღალი სტანდარტის ინფრასტრუქტურა - Upscale ინფრასტრუქტურა, გადამწყვეტ როლს თამაშობს კომპლექსის ღირებულების ზრდაში. როგორც წესი, მაღალშემოსავლიანი ინვესტორები უპირატესობას პრემიუმ სეგმენტის, მაღალი სტანდარტის, ველნეს კომპონენტებით გაჯერებულ კომპლექსებს ანიჭებენ, რომელშიც სხვა ტიპის ტურისტზე 130%-ით მეტს ხარჯავენ. ქობულეთი სწორედ Upscale მულტიფუნქციური კომპლექსების ჰაბად ყალიბდება, რომელიც ინოვაციური კონცეფციითა და დატვირთვით, მსყიდველუნარიან მოგზაურებს მოიზიდავს როგორც რეგიონში, ისე თავად პროექტში.
• ვიზიტორებისა და ველნეს უძრავ ქონებაზე მოთხოვნის ზრდა - ვიზიტორების ზრდა, პირდაპირპროპორციულად პროვოცირებს მოთხოვნას საცხოვრებელ კომპლექსებზე და შედეგად, უძრავი ქონების ღირებულების მატებას იწვევს. ვინაიდან საერთაშორისო, თუ ლოკალური ვიზიტორების რაოდენობა ქობულეთში დინამიკურად მზარდია და ველნეს ინვესტიციის განხორციელება აქ სულ უფრო მეტ ადამიანს სურს, მოთხოვნა უძრავ ქონებაზე ქობულეთში სამომავლოდ კიდევ უფრო გაიზრდება.
• ველნეს ტურიზმის კულტურა და ისტორიული მეხსიერება - ქობულეთი XIX საუკუნის მეორე ნახევრიდან, საქართველოს ერთ-ერთ ისტორიულ და მთავარ დასასვენებელ, გამაჯანსაღებელ კურორტად ითვლებოდა, რომელსაც მოგზაურები მსოფლიოს წამყვანი ქალაქებიდან, ჯანმრთელობის გასაუმჯობესებლად და თერაპიული პროცედურების ჩასატარებლად სტუმრობდნენ. თავის მხრივ კი, ბათუმთან სიახლოვე, უფრო კომფორტულსა და მოსახერხებელს ხდიდა აქ დასვენებას.

ქობულეთში ინვესტირების მსურველთა რიცხვი დინამიკურად მზარდია - ქალაქში მაღალი სტანდარტისა და მომსახურების, არაერთი მსხვილი დეველოპერული პროექტი დაანონსდა. ერთ-ერთი ყველაზე გრძელი სანაპირო ზოლითა და ბულვარით, გამაჯანსაღებელი კლიმატით, თუ უნიკალური ველნეს დანიშნულებით, კურორტი მიმზიდველ, ერთგვარ ხელუხლებელ ლოკაციად იქცევა, გლობალური პროექტების ფორმირებისთვის.

ქალაქში აქტიურად მიმდინარეობს ლოკალური ინფრასტრუქტურისა და რეკრეაციული ზონების განვითარება - “განახლებული რეგიონების” ფარგლებში, ქობულეთში განხორციელდა სანაპირო ზოლისა და ბულვარის სარეაბილიტაციო სამუშაოები, მოეწყო რეკრეაციული, თუ კომერციული ლოკაციები, სათავგადასავლო, ექსტრემალური ტურიზმისა და სპორტის სივრცეები, ასევე დამტკიცდა პროექტი, ცენტრალური პარკის განახლებასთან დაკავშირებით.

ადგილობრივი ინფრასტრუქტურისა და ზონების განახლება, პირდაპირ უკავშირდება ქობულეთის ახალ, ტურისტულად ყველაზე მიმზიდველ ქალაქად ჩამოყალიბებასა და მის პერსპექტიულობას. ზემოხსენებული ფაქტორები, ქობულეთში განხორციელებულ ინვესტიციის, მყარ ფინანსურ მომგებიანობას განაპირობებენ - უახლეს კვლევებზე დაყრდნობით, საცხოვრებელი რეზიდენციების ღირებულება ქალაქში წლიდან წლამდე დინამიკურად, დაახლოებით 20-25%-ით იმატებს.

ქობულეთი იდეალურ საინვესტიციო ლოკაციად შეგვიძლია მივიჩნიოთ, პრე-საინვესტიციო ბუმის უპირატესობებით, მათ შორის კონკურენტული ღირებულებითა და ფასის ზრდის წინასწარი, მაღალი პროგნოზირებით - კურორტული ტიპის ქალაქი, სულ უფრო მეტ მნახველს იზიდავს, რომელთაც ურბანული ცხოვრების სტილისგან თავის დაღწევის პარალელურად, ჰოლისტური დასვენების მოწყობა, გაჯანსაღება და იმავდროულად, დროის მოკლე პერიოდში, ახალი ფინანსური სარგებლის მიღება სურთ.

დასკვნა

ბოლო რამდენიმე ათწლეულის განმავლობაში, როგორც საერთაშორისო პრაქტიკამ ასევე, ბათუმის მაგალითმა მკაფიოდ დაგვანახა, რომ უძრავ ქონებაში ინვესტიცია, საინვესტიციო-სამშენებლო ბუმის საწყის ეტაპზე, გონივრული და მომგებიანია. ამ მხრივ კი, ქობულეთი ახალ, უმთავრეს საინვესტიციო დანიშნულებად შეგვიძლია დავისახოთ.

მასშტაბური სამშენებლო-დეველოპერული კომპანიების მიერ ახალი მულტიფუნქციური, საცხოვრებელი და საინვესტიციო კომპლექსების მშენებლობა ქობულეთში, ისტორიული კურორტის ძირძველი ველნეს პოტენციალის სრულ ათვისებას ემსახურება და მის საინვესტიციო მიმზიდველობას განაპირობებს პოტენციური ინვესტორებისთვის.

(R)